నిజామాబాద్ జిల్లాలో నిన్న అర్ధరాత్రి సమయంలో గుర్తు తెలియని మహిళను దుండగులు గొంతు నులిమి దారుణంగా చంపేశారు. ఆ తర్వాత మహిళను గుర్తు పట్టకుండా ఉండేందుకు ముఖాన్ని కాల్చేశారు. వర్ని మండలం బడాపహాడ్ బస్టాండ్ వెనుక భాగంలో ఈ ఘటన చోటు చేసుకుంది.
అటు వైపుగా వెళ్లిన కొందరికి మహిళ మృతదేహం కనిపించగా.. పోలీసులకు సమాచారం అందించారు. ఘటనా స్థలాన్ని పరిశీలించిన పోలీసులు కేసు నమోదు చేసి దర్యాప్తు చేస్తున్నారు. హత్యకు గురైన మహిళల వివరాలు ఇంకా తెలియరాలేదు. తెలిసిన వాళ్లే ఈ హత్య చేసి ఉంటారని పోలీసులు భావిస్తున్నారు. జాగిలాలతో నిందితుల ఆచూకీ కోసం గాలిస్తున్నారు.
ఇదీ చూడండి: జియో యూజర్లకు గుడ్న్యూస్- ఇక అన్ని కాల్స్ ఫ్రీ!
