ఖరీదైన మద్యం బ్రాండ్ల ఖాళీ సిసాల్లో చీప్ లిక్కర్లు, నాసిరకం మందులు కలిపి అమ్ముతున్న వ్యక్తిని ఖమ్మంలో ఆబ్కారీ అధికారులు పట్టుకున్నారు. బ్రాండ్ల ధరలకంటే నాలుగైదు వందల రూపాయల తక్కువకు అమ్ముతూ.... మద్యం ప్రియులను బురిడీ కొట్టిస్తున్న శీను అనే వ్యక్తిని అదుపులోకి తీసుకుని విచారిస్తున్నారు.
నాలుగు నెలలుగా ఖమ్మం నగరంలో జోరుగా అక్రమ వ్యాపారం సాగిస్తున్న వైనాన్ని గమనించిన ఆబ్కారీ పోలీసులు... పక్కా నిఘా పెట్టి పట్టుకున్నారు. సీసాల్లో చీప్ లిక్కర్‌తో పాటు నీళ్లు, ఇతర శీతల పానీయాలు కలిపి విక్రయిస్తున్నట్లు దర్యాప్తులో వెల్లడైంది.
నిందితుడి నుంచి లక్ష విలువైన వివిధ రకాల ప్రీమియం బ్రాండ్లకు చెందిన 65 కల్తీ మద్యం సీసాలను ఎక్సైజ్ పోలీసులు స్వాధీనం చేసుకున్నారు.
- ఇదీ చూడండి : పులి కోసం 'అన్వేషణ'... ఎవరూ అడవులకు వెళ్లొద్దు
