Fire Accident In Iran Today : ఉత్తర ఇరాన్లో ఘోర అగ్ని ప్రమాదం సంభవించింది. ఇరాన్ రాజధాని టెహ్రాన్కు వాయవ్యంగా 200 కిలోమీటర్ల దూరంలో ఉన్న లాంగ్రోడ్ నగరంలోని ఓ ప్రైవేటు మాదకద్రవ్యాల బాధితుల పునరావాస కేంద్రంలో శుక్రవారం మంటలు చెలరేగాయి. ఈ ఘటనలో 32 మంది మృతి చెందగా.. మరో 17 మంది గాయపడ్డారు. ఈ ప్రమాదంపై సమాచారం అందుకున్న అగ్నిమాపక సిబ్బంది.. ఘటనాస్థలికి చేరుకుని మంటలను అదుపులోకి తీసుకొచ్చారు. క్షతగాత్రులను నగరంలోని వివిధ ఆసుపత్రులకు తరలించామని అధికారులు తెలిపారు.
పాకిస్థాన్లో పేలుడు.. ఐదుగురు మృతి
Explosion In Pakistan Khyber Pakhtunkhwa : పాకిస్థాన్ ఖైబర్ పఖ్తుంఖ్వా ప్రావిన్సులోని డెరా ఇస్మాయిల్ ఖాన్ జిల్లాలో శుక్రవారం పేలుడు సంభవించింది. పొండా బజార్ ప్రాంతంలోని ట్యాంక్ అడ్డా సమీపంలో జరిగిన ఈ ఘటనలో ఐదుగురు ప్రాణాలు కోల్పోయారు. మరో 20 మంది గాయపడ్డారు. ఈ ఘటనపై సమాచారం అందుకున్న సహాయక సిబ్బంది, కేబీ బాంబ్ డిస్పోజల్ యూనిట్, పోలీసులు ఘటనాస్థలికి చేరుకుని సహాయక చర్యలు చేపట్టారు. ఘటన ప్రాంతం సమీపంలోని అన్ని ఆస్పత్రుల్లో అత్యవరస స్థితి ప్రకటించారు. అయితే దుండగులు ఓ మోటార్ బైక్లో పేలుడు పరికరాన్ని అమర్చారని తెలుస్తోంది. దీంతోపాటు ఘటన స్థలంలో తుపాకుల కాల్పుల శబ్దాలు కూడా వినిపించినట్లు సమాచారం.
ఆత్మాహుతి దాడి.. 55 మంది దుర్మరణం
Suicide Blast In Pakistan : ఇటీవల పాకిస్థాన్లోని బలూచిస్థాన్ రాష్ట్రంలో ఆత్మాహుతి దాడి జరిగింది. మస్తుంగ్ జిల్లాలోని మదీనా మసీదు వద్ద మహ్మద్ ప్రవక్త జయంతి రోజు జరిగిన ఈ దాడిలో 55 మంది ప్రాణాలు కోల్పోయారు. మరో 50 మందికి పైగా తీవ్రంగా గాయపడ్డారు. ఈ దాడిలో అక్కడే విధులు నిర్వర్తిస్తున్న డీఎస్పీ నవాజ్ గాష్కోరి కూడా మృతి చెందారు. పూర్తి కథనం కోసం ఈ లింక్పై క్లిక్ చేయండి.
Somalia Bomb Attack : ఇటీవల సోమాలియాలో బాంబుల వాహనం విధ్వంసం సృష్టించింది. సెంట్రల్ సోమాలియాలోని ఓ మాంసం దుకాణం వద్దకు దూసుకొచ్చింది. ఈ ఘటనలో ఆరుగురు మరణించగా.. మరో 14 మంది గాయపడ్డారు. కాగా, ఈ ఘటనపై ఏ ఉగ్రవాద సంస్థ బాధ్యత వహిస్తూ ప్రకటన చేయలేదు. అనుమానాస్పదంగా కనిపించిన కారును ఆపేందుకు ప్రయత్నించిన ముగ్గురు సైనికులను దుండగులు కాల్చిచంపారు. మార్కెట్కు సమీపంలోని ఆర్మీ కమాండర్ ఇంటిని లక్ష్యంగా చేసుకునే.. ఈ దాడికి ప్రయత్నించారని అధికారులు భావిస్తున్నారు. ఆ తర్వాత ఏం జరిగిందో తెలుసుకోవాలంటే ఈ లింక్పై క్లిక్ చేయండి.
పోలీస్ స్టేషన్పై అత్మాహుతి దాడి.. 12 మంది మృతి.. పాకిస్థానీ తాలిబన్ల పనే!
ఫుట్బాల్ గ్రౌండ్లో బాంబు పేలుడు.. 27 మంది మృతి.. చిన్నారులే ఎక్కువ!
