మెక్సికోలోని శాన్ ఆంటోనియోలో ఓ ట్రక్కులో మృతదేహాలు లభ్యమవడం స్థానికంగా కలకలం రేపింది. రిమోట్ బ్యాక్ రోడ్డులో వెళ్తున్న ఆ ట్రక్కులో 46 మృతదేహాలను గుర్తించారు అధికారులు. ట్రక్కులో ఉన్న మరో 16 మందిని అధికారులు శాన్ ఆంటోనియాలోని ఆసుపత్రికి తరలించారు.
"ఆసుపత్రికి తరలించిన వారి శరీరాలను తాకితే చాలా వేడిగా అనిపిస్తుంది. వారంతా డీహైడ్రేట్ అయ్యారు. వాహనంలో నీరు ఎక్కడ కనబడలేదు. సోమవారం సాయంత్రం 6 గంటలకు ఓ వ్యక్తి.. వాహనం దగ్గర సహాయం కోసం బిగ్గరగా అరిచాడు. అది విని అప్రమత్తమయ్యాం. వెంటనే వచ్చి తనిఖీ చేసి చూసేసరికి లోపల మృతదేహాలు లభ్యమయ్యాయి. ఈ ఘటనకు సంబంధించి ముగ్గరిని అదుపులోకి తీసుకున్నాం" అని పోలీసులు తెలిపారు.
వీరంతా అమెరికాలోని దక్షిణ టెక్సాస్ ప్రాంతానికి అక్రమంగా వలస వెళ్లేందుకు ప్రయత్నించినట్లుగా అనుమానిస్తున్నామని అధికారులు తెలిపారు. ఈ క్రమంలో వీరు ప్రాణాలు కోల్పోయినట్లు తెలుస్తోందన్నారు. ట్రక్కులోని వారు ఎలా మృతిచెందారనే విషయంపై పూర్తి దర్యాప్తు చేపడతున్నామని చెప్పారు. సోమవారం జరిగిన ఈ ఘటనపై ఇంకా మరిన్ని వివరాలు తెలియాల్సి ఉంది.
ఇవీ చదవండి: ఉక్రెయిన్ షాపింగ్మాల్‌పై రష్యా దాడి.. 10 మంది మృతి.. భవనంలో వెయ్యి మందికిపైగా పౌరులు!
