అఫ్గానిస్థాన్లో ఉగ్రమూకల ఏరివేత కోసం రెండు దశాబ్దాల పాటు పోరాటం సాగించి.. ఈ ఏడాది ఆగస్టులో బలగాల ఉపసంహరణ పూర్తి చేసింది అమెరికా. భారీగా ఆయుధ సంపత్తిని అఫ్గాన్లోనే వదిలేసి (us military weapons used in afghanistan) బలగాలను తరలించినట్లు పలు నివేదికలు వెల్లడించాయి. ఇప్పుడు ఆ ఆయుధాలను చేజిక్కించుకోవాలని ప్రయత్నిస్తోంది పాకిస్థాన్. అగ్రరాజ్యానికి చెందిన అధునాతన ఆయుధాలను అఫ్గానిస్థాన్ నుంచి పాకిస్థాన్ కొనుగోలు చేసినట్లు ఓ నివేదిక వెల్లడించింది. ఆ ఆయుధాలు తెహ్రీక్ ఈ తాలిబన్ పాకిస్థాన్ చేతికి వెళతాయనే ఆందోళన వ్యక్తం చేసింది. ఇమ్రాన్ ప్రభుత్వం, నిషేధిత ఉగ్ర సంస్థ మధ్య ఒప్పందం కుదిరినట్లు పేర్కొంది.
ఈ ఏడాది ఆగస్టులో కాబుల్ను తాలిబన్లు(Afghanistan Taliban) సొంతం చేసుకున్న తర్వాత.. అఫ్గాన్ ఆర్మీ(Afghan Army) నుంచి భారీగా అమెరికా ఆయుధాలను స్వాధీనం చేసుకుని పాకిస్థాన్కు సరఫరా చేసినట్లు ద న్యూయార్క్ టైమ్స్ గత నెలలో వెల్లడించింది. అలాగే.. అఫ్గాన్ గన్ డీలర్స్ అమెరికా ఆయుధాలను నేరుగా దుకాణాల్లోనే విక్రయాలు జరుపుతున్నట్లు పేర్కొంది.
అయితే.. బలగాల ఉపసంహరణ పూర్తయ్యేలోపే అధునాతన ఆయుధాలను ధ్వంసం చేసినట్లు పెంటగాన్ తెలిపింది. ఈ నేపథ్యంలోనే.. వేలాది ఆయుధాలను తాలిబన్లు స్వాధీనం చేసుకున్నట్లు న్యూయార్క్ టైమ్స్ పేర్కొంది.
భారత్లో విధ్వంసానికి..
అఫ్గాన్ నుంచి కొనుగోలు చేస్తున్న అమెరికా ఆయుధాలను (us military weapons used in afghanistan) తొలుత పాకిస్థాన్లోనే విధ్వంసం సృష్టించేందుకు ఐఎస్ఐ కనుసన్నల్లోని ఉగ్ర సంస్థలు వినియోగిస్తాయని భావిస్తున్నట్లు పేర్కొంది భారత్. ఆ తర్వాత భారత్పైకి వచ్చే అవకాశాలు ఉన్నాయని ఆందోళన వ్యక్తం చేసింది. భారత్లోని ఉగ్రవాద సంస్థలకు ఆ ఆయుధాలను అందిస్తారని భావిస్తున్నామని, అయితే.. ఇక్కడ వాటిని వినియోగించేందుకు చేసే ప్రయత్నాలను అడ్డుకునేందుకు పూర్తిస్థాయిలో సిద్ధంగా ఉన్నామని తెలిపారు సీనియర్ సైన్యాధికారులు. 'అమెరికాకు చెందిన ఆయుధాలు, ముఖ్యంగా చిన్న సామగ్రి పాకిస్థాన్కు తరలినట్లు మాకు సమాచారం అందింది. అయితే.. తాలిబన్ల విజయంతో పాక్లోని ఉగ్ర ముఠాలకు ధైర్యమొచ్చింది. ఆ ఆయుధాలను పాక్లోనే తొలుత ఉపయోగించే అవకాశం ఉంది.' అని పేర్కొన్నారు.
ఇదీ చూడండి: 'రష్యా, చైనా చేతికి అఫ్గాన్లోని అమెరికా ఆయుధాలు'
