Pak china fighter jet deal: భారత అమ్ముల పొదిలో రఫేల్ యుద్ధ విమానాలు చేరడం చూసి తట్టుకోలేకపోతోంది పొరుగు దేశం పాకిస్థాన్. అందుకే రఫేల్కు పోటీగా చైనా నుంచి యుద్ధవిమానాలను దిగుమతి చేసుకుంటోంది. ఈమేరకు రెండు దేశాల మధ్య ఒప్పందం కుదిరింది. దీని ప్రకారం చైనా తయారు చేసిన అత్యంత శక్తిమంతమైన J-10C యుద్ధ విమానాలను పాక్ కొనుగోలు చేస్తోంది. మొత్తం 25 ఎయిర్క్రాఫ్ట్లను అందుకోనుంది. పాకిస్థాన్ దినోత్సవాన్ని పురస్కరించుకుని వచ్చే ఏడాది మార్చి 23న జరిగే వేడుకల్లో ఈ యుద్ధవిమానాలు పాక్ సైన్యంలో చేరుతాయని ఆ దేశ హోంమంత్రి షేక్ రషీద్ తెలిపారు. బుధవారం రావల్పిండిలో జరిగిన మీడియా సమావేశంలో ఈ విషయాన్ని వెల్లడించారు.
మార్చి 23న జరిగే వేడకకు తొలిసారి ముఖ్య అతిథులు హాజరవుతున్నారని రషీద్ చెప్పారు. చైనా యుద్ధవిమానాలతో పాక్ సైన్యం ఫ్లై పాస్ట్ నిర్వహిస్తుందని పేర్కొన్నారు.
Pak china news
పాకిస్థాన్కు చిరకాల మిత్ర దేశమైనా చైనా.. ఆ దేశానికి అన్ని విధాలుగా అండగా ఉంటోంది. ఇరు దేశాలు గతేడాది నిర్వహించిన ఉమ్మడి యుద్ధ విన్యాసాల్లో J-10Cని ప్రదర్శించారు. అప్పుడే పాక్ నిపుణులు దీని శక్తి సామర్థ్యాలను గమనించారు. తాజాగా వాటిని కొనుగోలు చేసేందుకు ఒప్పందం కుదుర్చుకున్నారు.
Rafael aircraft news
రఫేల్ యుద్ధ విమానాల కోసం ఫ్రాన్స్తో ఐదేళ్ల క్రితం ఒప్పందం కుదుర్చుకుంది భారత్. దీనిలో భాగంగా 36 యుద్ధ విమానాలకు దిగుమతి చేసుకుంటోంది. ఇప్పటికే కొన్నింటిని అందుకుంది. భారత వాయుసేన శక్తి సామర్థ్యాలను మరింత పటిష్ఠం చేసేందుకు కుదుర్చుకున్న ఈ ఒప్పందం విలువ రూ.59వేల కోట్లు అని అంచనా.
ఇదీ చదవండి: వక్రబుద్ధి మార్చుకోని పాక్- ఓఐసీలో కశ్మీర్ ప్రస్తావన
