నియంత్రణ రేఖ వద్ద చొరబాట్ల విషయంలో భారత్ అసత్య ప్రచారాలు చేస్తోందని పాకిస్థాన్ ప్రధాని ఇమ్రాన్ ఖాన్ ఆరోపించారు. ఈ పరిస్థితులను పాక్కు వ్యతిరేకంగా భారత్ ఉపయోగిస్తోందని బుకాయించారు.
"పాకిస్థాన్ లక్ష్యంగా భారత్ చేస్తోన్న నిరంతర అసత్య ప్రచారాలకు సంబంధించి ప్రపంచాన్ని హెచ్చరిస్తున్నాను. నియంత్రణ రేఖ వెంబడి చొరబాట్లను పాక్ ప్రేరేపిస్తున్నట్లు ప్రమాదకరమైన అజెండాను భారత్ కొనసాగిస్తోంది."
- ఇమ్రాన్ ఖాన్, పాక్ ప్రధాని
అంతేకాకుండా కశ్మీర్లో చెలరేగుతున్న హింస స్థానికమైనదేనని.. ఇందులో పాక్కు ఎలాంటి సంబంధం లేదని కపట నీతి ప్రదర్శించారు ఇమ్రాన్ ఖాన్. భారత్లోని అధికార పార్టీ విధానాలతో దక్షిణాసియాలో శాంతి భంగం కలుగుతుందని అన్నారు. అంతకు ముందే అంతర్జాతీయ సమాజం ఈ విషయంలో జోక్యం చేసుకోవాలన్నారు.
ఇమ్రాన్తోపాటు పాకిస్థాన్ ముస్లిం లీగ్ (నవాజ్) అధ్యక్షుడు, ప్రతిపక్ష నేత షెబాజ్ షరీఫ్ కూడా భారత్పై అక్కసు వెల్లగక్కారు. ఉగ్ర స్థావరాలు, లాంచింగ్ ప్యాడ్ల ఆరోపణలతో పాకిస్థాన్కు వ్యతిరేకంగా భారత్ కుట్ర పన్నుతోందని వల్లె వేశారు.
