పాకిస్థాన్ పార్లమెంట్ ఎగువసభలో మొట్టమొదటి సారిగా తలపాగ ధరించిన సిక్కు ప్రతినిధిగా గురుదీప్ సింగ్ ఎన్నికయ్యారు. అధికార తెహ్రెక్-ఈ- ఇన్సాఫ్ పార్టీ తరఫున గెలుపొంది.. సెనేటర్గా ప్రమాణ స్వీకారం చేశారు.
145 ఓట్లు ఉన్న సభలో 103 గురుదీప్ సింగ్కు ఓట్లు వచ్చాయి. ఆయన ప్రత్యర్థి జమైత్ ఉలేమా-ఈ- ఇస్లాం(ఫాజ్లుర్)అభ్యర్థి రాజీంత్ సింగ్కు 25 ఓట్లు, మరో అభ్యర్థి ఆసిఫ్ భట్టి( అవామీ నేషనల్ పార్టీ)కి కేవలం 12 ఓట్లు మాత్రమే వచ్చాయి.
గురుదీప్ సింగ్తో పాటు మరో 47 మంది సెనేటర్లుగా ప్రమాణ స్వీకారం చేశారు. ఈ సందర్భంగా.. దేశంలో మైనారిటీల అభివృద్ధి కోసం కృషి చేస్తానని తెలిపారు సింగ్.
ఇదీ చదవండి: 'సెనేట్ సీటు అమ్ముకొన్న ఇమ్రాన్ ఖాన్'
