ప్రపంచ దేశాల్లో కరోనా ఉద్ధృతి కొనసాగుతోంది. మొత్తం కేసుల సంఖ్య 3 కోట్ల 55 లక్షల 20 వేల 132కు చేరింది. 10 లక్షల 43వేల 146మంది కొవిడ్కు బలయ్యారు. అయితే ఇప్పటివరకు 2 కోట్ల 67 లక్షల 18 వేల మంది మహమ్మారి నుంచి కోలుకున్నారు.
- రష్యాలో కొత్తగా 10 వేల 888 కేసుల నమోదవగా.. 117మంది చనిపోయారు. ఫలితంగా మొత్తం బాధితుల సంఖ్య 12 లక్షల 26వేలకు చేరువైంది.
- మెక్సికోలో తాజాగా 208మంది మహమ్మరికి బలయ్యారు. ఒక్కరోజే 3, 712 మంది కొవిడ్ బారినపడ్డారు. దీంతో మొత్తం కేసుల సంఖ్య 7 లక్షల 61 వేలు దాటింది.
- ఇరాన్లో మరణాల సంఖ్య పెరుగుతోంది. మరో 235మంది కొవిడ్తో మృతిచెందగా.. కొత్తగా 3,900మందికి కరోనా పాజిటివ్గా తేలింది.
- ఇరాక్లో ఒక్కరోజే 3,808 కేసులు వెలుగుచూశాయి. 65మంది మరణించారు.
- ఇండోనేసియాలో తాజాగా 3,622 మందికి కొవిడ్ సోకగా.. 102మంది మృతి చెందారు. ఫలితంగా మొత్తం బాధితుల సంఖ్య 3 లక్షల 7 వేలు దాటింది.
- నెదర్లాండ్స్లో కరోనా ఉగ్రరూపం దాల్చుతుంది. కొత్తగా 4,579మంది కరోనా బారిన పడ్డారు. ఏడుగురు మరణించారు.
- ఇటలీ, బెల్జియం, పోలాండ్, నేపాల్ దేశాల్లో 2వేల చొప్పున కేసులు నమోదయ్యాయి.
| దేశం | మొత్తం కేసులు | మొత్తం మరణాలు |
| అమెరికా | 76,46,516 | 2,14,707 |
| భారత్ | 66,50,456 | 1,03,005 |
| బ్రెజిల్ | 49,18,022 | 1,46,417 |
| రష్యా | 12,25,889 | 21,475 |
| కొలంబియా | 8,55,052 | 21,475 |
ఇదీ చూడండి: 'ప్రతి 10 మందిలో ఒకరికి కరోనా'
