దేశంలో కరోనా రెండో దశ విజృంభిస్తున్న నేపథ్యంలో సానుభూతి తెలుపుతూ భారత ప్రధానమంత్రి నరేంద్ర మోదీకి చైనా అధ్యక్షుడు షీ జిన్పింగ్ లేఖ రాశారు. కరోనా కట్టడిలో మద్దతుగా నిలుస్తామని, దేశంలోని ప్రస్తుత కొవిడ్-19 సంక్షోభాన్ని ఎదుర్కొనేందుకు సాయం చేస్తామని హామీ ఇచ్చినట్లు ఆ దేశ జిన్హువా న్యూస్ పేర్కొంది.
" కరోనా నియంత్రణలో భారత్కు సహకరించేందుకు చైనా సిద్ధంగా ఉంది. మద్దతుగా నిలుస్తాం. భారత్కు సాయం అందిస్తాం. "
- జిన్పింగ్ సందేశం
కరోనా కట్టడిలో భారత్కు అన్ని విధాలుగా సాయం అందిస్తామని చైనా విదేశాంగ మంత్రి వాంగ్ యీ హామీ ఇస్తూ భారత విదేశాంగ మంత్రి జై శంకర్కు లేఖ రాశారు. చైనాలో తయారయ్యే కరోనా నియంత్రణ సామగ్రిని భారత్కు అందిస్తామని తెలిపారు.
తూర్పు లద్దాఖ్లోని మిగిలిన ప్రాంతాల్లో బలగాల ఉపసంహరణపై ఇంకా ఎలాంటి నిర్ణయం వెలువడని క్రమంలో చైనా అధ్యక్షుడు, విదేశాంగ మంత్రి.. భారత్కు సాయం చేస్తామని ప్రకటించటం ప్రాధాన్యం సంతరించుకుంది.
ఇదీ చూడండి: భారత్కు సాయం చేసేందుకు సిద్ధం: ఐరాస
