హాలిడే సీజన్లో భాగంగా 9 ముఖ్యమైన వర్గాలకు చెందిన 5కోట్ల మందికి వ్యాక్సిన్ అందించాలని చైనా ప్రభుత్వం నిర్ణయించింది. ఇప్పటి వరకు దేశవ్యాప్తంగా 73,537 మందికి టీకా అందించారు అధికారులు. దేశ ప్రజలకు ఉచితంగానే వ్యాక్సిన్ను అందిస్తామని చైనా ప్రభుత్వం ఇదివరకే తెలిపింది.
'ఇంట్లోనే హాలిడే సీజన్'
చైనా షెన్యాంగ్ నగరంలో కరోనా కేసులు పెరుగుతున్న నేపథ్యంలో కొవిడ్ పరీక్షలను ముమ్మరం చేశారు అధికారులు. పరీక్షలు నిర్వహించి పాజిటివ్ వచ్చినవారిని ఐసోలేషన్కు తరలిస్తున్నారు. వలస కార్మికులు, ప్రజలు హాలిడే సీజన్లో ఇంట్లోనే ఉండాలన్నారు. పర్యటకులు బీజింగ్కు రావొద్దని సూచించారు.
చైనాలో ఇప్పట వరకు 82,183 కరోనా కేసులు నమోదయ్యాయి. 4,634 మంది వైరస్ బారినపడి మరణించారు.
ఇదీ చదవండి : 'అందరికీ టీకా' కావాలంటే ఒకే డోసు తీసుకోవాలా?
