తూర్పు లద్దాఖ్లోని గల్వాన్లో జరిగిన ఘర్షణలో మృతిచెందిన సైనికుల వివరాలను.. తొలిసారిగా బయటపెట్టింది చైనా. ఘర్షణలో తమ దేశ జవాన్లు ఐదుగురు అమరులైనట్టు చైనా పీపుల్స్ లిబరేషన్ ఆర్మీ(పీఎల్ఏ) ప్రకటించింది.
గతేడాది జూన్ 15న జరిగిన ఈ ఘటనలో.. కారకోరం పర్వతాలపై పహారా కాస్తున్న ఐదుగురు భద్రతా సిబ్బంది ప్రాణాలు కోల్పోయినట్టు చైనా అధికారిక సైనిక వార్తాపత్రిక శుక్రవారం వెల్లడించింది. పీఎల్ఏ జిన్జియాంగ్, మిలటరీ రెజిమెంటల్ కమాండర్ క్వి ఫబావో, చెన్ జియాంగ్రంగ్, జియావో సియువాన్, వాంగ్ జువారన్ల పేర్లను బహిర్గతం చేసింది. దేశరక్షణ కోసం సరిహద్దులో వీరమరణం పొందిన ఈ జవాన్లకు ఆ దేశ ప్రభుత్వం ప్రత్యేక బిరుదులిచ్చి సత్కరించినట్టు కూడా పేర్కొంది.
ఇదీ చదవండి: త్యాగాల వెనుక కదిలించే గాథలు
ఈ ఘటనలో భారత జవాన్లు 20 మృతి చెందారని భారత్ అప్పుడే ప్రకటించింది. కాగా.. చైనా మాత్రం ఆ వివరాలను ఇన్నాళ్లూ గోప్యంగా ఉంచి ఎట్టకేలకు శుక్రవారం బహిర్గతం చేసింది. అయితే.. ఆ ఘర్షణలో చైనాకు చెందిన సుమారు 45మంది జవాన్లు ప్రాణాలు కోల్పోయినట్టు రష్యా నివేదించగా.. జిన్పింగ్ సర్కార్ మాత్రం ఐదుగురే అని చెప్పుకోవడం గమనార్హం.
గతేడాది మే నుంచి సరిహద్దులో భారత్తో కయ్యానికి కాలుదువ్వుతోంది చైనా. ఈ క్రమంలోనే జూన్లో పరిస్థితులు మరింత తీవ్రంగా మారాయి. గల్వాన్ లోయలో భారత సైనికులపై చైనా జవాన్లు దాడికి దిగారు. ప్రతిఘటించిన భారత్.. చైనాకు దీటుగా బదులిచ్చింది. ఈ ఘటన ప్రపంచ దేశాలను షాక్కు గురిచేసింది. అనంతరం సరిహద్దు ఉద్రిక్తతలను తగ్గించేందుకు భారత్-చైనా చర్చలు చేపట్టాయి.
ఇవీ చదవండి:
