చైనా దూకుడుపై ప్రపంచవ్యాప్తంగా పెరుగుతున్న నేపథ్యంలో తాజా సమావేశంలో జిన్పింగ్ స్పందించారు. తమది శాంతికాముక దేశమని పేర్కొన్నారు. అమెరికా అధ్యక్షుడు జో బైడెన్తో భేటీ అయిన (Biden XI meeting) చైనా అధ్యక్షుడు షీ జిన్పింగ్.. ఈ వ్యాఖ్యలు చేశారు.
"ఇప్పటివరకు తమకు తాముగా ఒక్క యుద్ధాన్ని కూడా ప్రారంభించలేదు. ఇతర దేశాలకు చెందిన అంగుళం భూభాగాన్నీ ఆక్రమించుకోలేదు. మా దేశ సార్వభౌమత్వం, భద్రత, అభివృద్ధి ప్రయోజనాలను మాత్రం ఎట్టిపరిస్థితుల్లోనూ పరిరక్షించుకుంటాం. మా ఎదుగుదలను ఆపడం ఎవరికీ సాధ్యం కాదు"
-- షీ జిన్పింగ్, చైనా అధ్యక్షుడు
అమెరికా.. తమతో ఘర్షణకు దిగడం మానుకొని ద్వైపాక్షిక సంబంధాలను తిరిగి సాధారణ స్థితికి తీసుకొచ్చేందుకు కృషిచేయాలని సూచించారు.
హాంకాంగ్ పౌరులపై, షింజియాంగ్ వీగర్లపై దాడులు జరుగుతున్నాయన్న ఆరోపణలపై జిన్పింగ్ పరోక్షంగా స్పందించారు. మానవహక్కుల విషయంలో ఎక్కడైనా సరే చర్చలు జరిపేందుకు తాము సిద్ధమని చెప్పారు. హక్కుల ముసుగులో ఇతర దేశాల అంతర్గత వ్యవహారాల్లో జోక్యం చేసుకోవడాన్ని మాత్రం తాము వ్యతిరేకిస్తామని పేర్కొన్నారు.
ఇదీ చూడండి: 'నిప్పుతో చెలగాటం ఆడుతున్నారు'- బైడెన్కు జిన్పింగ్ డైరెక్ట్ వార్నింగ్
