ప్రపంచవ్యాప్తంగా కొవిడ్ కేసులు మళ్లీ భారీ సంఖ్యలో బయటపడుతున్నాయి. ఫలితంగా మొత్తం కేసుల సంఖ్య 20 కోట్ల 17 లక్షలు దాటగా.. 42 లక్షల 80 వేలమందికిపైగా కొవిడ్ బలయ్యారు. 18 కోట్ల మందికిపైగా వైరస్ నుంచి కోలుకున్నారు. ఓ వైపు వ్యాక్సినేషన్ కొనసాగుతున్న.. మరోవైపు కరోనా కేసులు పెరుగుతుండటం ఆందోళనకు గురిచేస్తోంది.
అమెరికాలో గడిచిన రెండు రోజులుగా నిత్యం లక్షకుపైగా కేసులు నమోదవుతున్నాయి. గురువారం 1.20 లక్షల మందికిపైగా కొవిడ్ బారిన పడ్డట్లు తేలింది. మరో 559 మంది ప్రాణాలు కోల్పోయారు. 27 వేల మంది కొత్తగా కరోనా జయించారు.
డెల్టా వేరియంట్ పంజా
చైనాలో డెల్టా వేరియంట్ కేసులు పెరుగుతున్నాయి. తాజాగా.. 80 మంది కొవిడ్ బారిన పడ్డారు. వీటిలో 58 కేసులు ఒక్క వుహాన్ నగరంలోనే నమోదవడం గమనార్హం. దీంతో వైరస్ వ్యాప్తిని నియంత్రించేందుకు చర్యలు ముమ్మరం చేసింది అక్కడి పాలనా యంత్రాంగం. లాక్డౌన్, ప్రయాణాలపై ఆంక్షలు విధించడం సహా భారీ సంఖ్యలో కొవిడ్ పరీక్షలు నిర్వహిస్తోంది.
బ్రెజిల్లో రోజువారీ కరోనా కేసులతో పాటు.. మరణాలు భారీగా నమోదవుతున్నాయి. తాజాగా 40 వేల మందికిపైగా కొవిడ్ పాజిటివ్గా తేలగా.. 1,086 మంది వైరస్కు బలయ్యారు.
మృత్యుఘోష
ఇండోనేసియాలో కొవిడ్ మరణమృదంగం కొనసాగుతోంది. రెండు మూడు రోజులుగా 17,00 పైగా మరణాలు నమోదవుతున్నాయి. మరోవైపు రోజువారీ కేసులు సగటున 35 వేలకుపైగా ఉంటున్నాయి.
ఇతర దేశాల్లో ఇలా..
- ఇరాన్లో ఒక్కరోజే 38,674 కరోనా కేసులు వెలుగుచూశాయి. మరో 434 మంది కొవిడ్తో చనిపోయారు.
- బ్రిటన్లో తాజాగా 30,215 మందికి కొవిడ్ సోకింది. మరో 86 మంది మరణించారు.
- రష్యాలో కొత్తగా 23,120 మంది వైరస్ బారిన పడ్డారు. మరో 794 మంది కొవిడ్కు బలయ్యారు.
- టర్కీలో ఒక్కరోజులో 24,297 మందికి వైరస్ సోకింది. తాజాగా 108 మంది ప్రాణాలు కోల్పోయారు.
- మెక్సికో తాజాగా 20,685 మంది కొవిడ్ బారిన పడగా.. 611 మంది మరణించారు.
- ఫ్రాన్స్లో కొత్తగా 26,460 మందికి కొవిడ్ పాజిటివ్గా తేలగా.. 52 మంది చనిపోయారు.
- దక్షిణాఫ్రికాలో ఒక్కరోజే 13,646 కేసులు బయటపడగా.. 458 మంది మృతి చెందారు.
కంబోడియా, అర్జెంటినా సహా మరికొన్ని దేశాల్లో కేసులు, మరణాలు విపరీతంగా నమోదవుతున్నాయి.
ఇదీ చూడండి: '200 కోట్ల డోసులు విరాళంగా అందిస్తాం'
