అంతరిక్షంలోకి వ్యోమగాములను పంపిన మొదటి వ్యాపారసంస్థగా స్పేస్ ఎక్స్ చరిత్ర సృష్టించింది. డగ్ హార్లీ, బాబ్ బెంకెన్లు అంతరిక్ష నౌక క్రూ డ్రాగన్ ద్వారా అంతరిక్ష కేంద్రానికి వెళ్లారు. ఈ యాత్రకు సంబంధించిన వీడియోలను ప్రపంచవ్యాప్తంగా కోట్ల మంది చూశారు. ఇందులో గాల్లో తేలుతున్న ఓ డైనోసార్ విశేషంగా ఆకర్షించింది. అయితే అదో ఆటబొమ్మ అని తర్వాత తెలిసింది. ఆ రాక్షస బల్లి వీడియోలు సోషల్ మీడియాలో తెగ వైరలయ్యాయి.
-
This is the first time in human history @NASA_Astronauts have entered the @Space_Station from a commercially-made spacecraft. @AstroBehnken and @Astro_Doug have finally arrived to the orbiting laboratory in @SpaceX's Dragon Endeavour spacecraft. pic.twitter.com/3t9Ogtpik4
— NASA (@NASA) May 31, 2020 " class="align-text-top noRightClick twitterSection" data="
">This is the first time in human history @NASA_Astronauts have entered the @Space_Station from a commercially-made spacecraft. @AstroBehnken and @Astro_Doug have finally arrived to the orbiting laboratory in @SpaceX's Dragon Endeavour spacecraft. pic.twitter.com/3t9Ogtpik4
— NASA (@NASA) May 31, 2020This is the first time in human history @NASA_Astronauts have entered the @Space_Station from a commercially-made spacecraft. @AstroBehnken and @Astro_Doug have finally arrived to the orbiting laboratory in @SpaceX's Dragon Endeavour spacecraft. pic.twitter.com/3t9Ogtpik4
— NASA (@NASA) May 31, 2020
అయితే.. డైనో టాయ్ను అంతరిక్షంలోకి ఎందుకు తీసుకెళ్లారో తెలుసా. జీరో గ్రావిటీ ఇండికేటర్గా వాడేందుకే తన కుమారుడి దగ్గరనుంచి తీసుకెళ్లినట్లు వివరణ ఇచ్చారు వ్యోమగామి బెంకెన్. ఆ బొమ్మ అంతరిక్షంలో గాల్లో తేలుతుంటే క్రూ సిబ్బంది జీరో గ్రావిటీలోకి చేరినట్టేనట.
''మాకిరువురికీ పిల్లలున్నారు. వారికి డైనోసార్లపై అమితాసక్తి. ఇంట్లో ఉన్న ఆ బొమ్మలన్నింటినీ తీసుకొచ్చాం. ఇప్పుడు మా పిల్లలు సంతోషపడుతున్నట్టున్నారు.''
- ప్రయోగం తర్వాత బెంకెన్
డైనో బొమ్మ విశేషాలు..
గత వారం స్పేస్ ఎక్స్ చారిత్రాత్మక ప్రయోగంలో భాగంగా అంతరిక్ష కేంద్రానికి వెళ్లింది డైనోసార్ బొమ్మ. ఇది ఒక్కసారిగా వార్తల్లోకెక్కింది. రాత్రికి రాత్రే స్టార్గా మారిన ఆ డైనోసార్ బొమ్మ మోడళ్లు అన్ని ప్రముఖ స్టోర్లలో భారీగా అమ్ముడయ్యాయి.
- గులాబీ, నీలి రంగుల్లో ఉన్న ఈ ఆటబొమ్మను.. క్రూ డ్రాగన్ జీరో గ్రావిటీ ఇండికేటర్గా పనిచేసింది.
- టీవైస్ కంపెనీ ఫ్లిప్పబుల్ కలెక్షన్లో భాగంగా ఆ ఒరిజినల్ డైనో.. 4.99 డాలర్లకు అమ్ముడుబోయింది. ఇప్పుడు టీవై, వాల్మార్ట్, మైకేల్స్, జోఆన్స్ వంటి ప్రముఖ రిటైల్ స్టోర్లలోనూ ఈ బొమ్మలకు భారీగా డిమాండ్ పెరిగిపోయింది. ఎంతలా అంటే ఇప్పుడు స్టాక్ కూడా లేనంతగా.
- అమెజాన్ కూడా ఈ బొమ్మను పోలిన డైనోసార్లను(నాక్ ఆఫ్స్) ఆన్లైన్లో విక్రయించడం ప్రారంభించింది. స్పేస్ ఎక్స్.. అంతరిక్షంలోకి వెళ్లిన టాయ్ను పోలిన 'డెమో 2 డైనోసార్ ప్లష్ టాయ్'లను 25 డాలర్లకు అమ్మకానికి పెట్టి కాసేపటికే సైట్ నుంచి తొలగించింది.
ఆన్లైన్లోనూ నిరాశే..
మిగతా కంపెనీలు కూడా.. ట్రెమర్లు అమ్ముడుపోయాయని పేర్కొంటున్నాయి. వాల్మార్ట్.. డైనో అవుట్ ఆఫ్ స్టాక్ అని.. స్టోర్లు, ఆన్లైన్ రెండింటిలో స్టాక్ లేదని మైకేల్స్.. అన్ని ఆకారాల్లో డైనోలు లేవని జోఆన్స్లు వెల్లడించాయి.
అమెజాన్ బాటలోనే చాలా మంది డైనో నాక్ ఆఫ్స్లను సృష్టించి.. లాభాలు ఆర్జిస్తున్నారని 9టూ5మ్యాక్ ఎడిటర్ జాక్ హాల్ చెబుతున్నారు. టూపూ అనే ఓ వ్యాపారి.. స్పేస్ఎక్స్ సెక్విన్ డ్రాగన్ ప్లష్ టాయ్ పేరిట డైనో బొమ్మలను 19.97 డాలర్ల చొప్పున విక్రయిస్తున్నట్లు వెల్లడించారు. వాస్తవ ధరతో పోలిస్తే ఇది 15 డాలర్లు ఎక్కువే.
ట్రెమర్ ఇన్ స్పేస్..!
ఆటబొమ్మలను తయారుచేసే కంపెనీ టీవై.. ఆ డైనో టాయ్ను తయారుచేసింది. తమ ఫ్లిప్పబుల్స్ కలెక్షన్లో భాగంగా వీటిని అమ్మకానికి ఉంచింది. టీవై.. ఇప్పటికీ తన వెబ్సైట్ ద్వారా అమ్మకాలు జరుపుతోంది. కానీ ట్రెమర్ అని పిలిచే డైనోలు అమ్ముడుపోయినట్లు వెల్లడించింది. అయితే.. కింద నోట్లో 'ట్రెమర్ ఈస్ నౌ ఇన్ స్పేస్' (ట్రెమర్ ఇప్పుడు అంతరిక్షంలో ఉందని) జోడించింది.
బెంకెన్, హార్లీలు 110 రోజులు రోదసీలోనే గడపనున్నారు. ఆ తర్వాతే తిరిగి భూమిని చేరనున్నారు. అయితే.. జీరో గ్రావిటీ ఇండికేటర్గా పనిచేసే ట్రెమర్ డైనో వారితో పాటు తిరిగివస్తుందో స్పష్టత లేదు. లేకుంటే.. అంతరిక్ష కేంద్రంలోనే ఉండనుంది.
