కేజీఎఫ్ సినిమాలతో పాన్ ఇండియా స్టార్గా ఎదిగారు హీరో యశ్. 2022లో విడుదలైన కేజీఎఫ్-2 వందల కోట్లు వసూలు చేసింది. ఎటువంటి బ్యాక్ గ్రౌండ్ లేకుండా బెంగళూరులోని ఓ చిన్న ప్రాంతం నుంచి వచ్చిన యశ్.. ఇప్పుడు అందరి ఫేవరెట్గా మారిపోయారు. జనవరి 8న యశ్ పుట్టిన రోజు సందర్భంగా హోంబలే ఫిల్మ్స్ అదిరిపోయే అప్డేట్ ఇచ్చింది. యశ్కు బర్త్డే శుభాకాంక్షలు చెబుతూ ట్వీట్ చేసిన ఆ సంస్థ.. కేజీఎఫ్-3పై హింట్ ఇచ్చింది.
'కేజీఎఫ్ ఛాప్టర్ 2 భారీ హిట్ సొంతం చేసుకుంది. మరో మాన్స్టర్ హిట్ కోసం ఎదురుచూస్తున్నాం. కలను సాకారం చేసిన వ్యక్తికి పుట్టిన రోజు శుభాకాంక్షలు' అంటూ హోంబలే ఫిల్మ్స్ ట్విట్టర్ హ్యాండిల్ నుంచి ట్వీట్ వచ్చింది. కాగా, ఈ ట్వీట్లో ఉపయోగించిన 'మాన్స్టర్ హిట్' అన్న పదం కేజీఎఫ్-3 గురించేనని నెటిజన్లు చర్చించుకుంటున్నారు. ఈసారి కేజీఎఫ్-3 వస్తే బాక్సాఫీస్ రికార్డులన్నీ మళ్లీ రాసుకోవాల్సిందేనని ట్వీట్లు పెడుతున్నారు. దీంతో కేజీఎఫ్-3 అనే హాష్టాగ్ ట్విట్టర్లో ట్రెండింగ్గా మారింది.
2022లో హోంబలే ఫిల్మ్స్ రెండు భారీ విజయాల్ని సొంతం చేసుకుంది. భారీ అంచనాలతో వచ్చిన కేజీఎఫ్-2 కనకవర్షాన్ని కురిపించింది. దేశవ్యాప్తంగా భారీ విజయాన్ని దక్కించుకుంది. ఇకపోతే, ఇదే బ్యానర్ నుంచి వచ్చిన కాంతార సినిమాకు.. అనూహ్య స్పందన లభించింది. చిన్న సినిమాగా మొదలైన కాంతార.. క్రమంగా అన్ని ఇండస్ట్రీలలో టాక్ ఆఫ్ది టౌన్గా మారింది. దీంతో వివిధ భాషల్లో సినిమాను డబ్ చేసి విడుదల చేశారు. దాదాపు అన్ని భాషల్లో ఈ చిత్రం భారీగా వసూళ్లు రాబట్టింది.
