Vijay Antonys Daughter Suicide : బిచ్చగాడు ఫేమ్‌ హీరో విజయ్ ఆంటోనీ ఇంట్లో తీవ్ర విషాదం నెలకొంది. రీసెంట్గా ప్రమాదం నుంచి కోలుకున్న ఆయనకు మరో కోలుకోలేని షాక్ తగిలింది. ఆయన పెద్ద కుమార్తె మీరా (16) ఆత్మహత్య చేసుకుంది. ఈమె చెన్నై నగరంలోని ఓ ప్రైవేటు కళాశాలలో ఇంటర్‌ చదువుతోంది. ఈమె చెన్నైలోని నివాసంలో మంగళవారం తెల్లవారుజామున 3 గంటలకు ఇంట్లోనే ఉరేసుకుని బలవన్మరణానికి పాల్పడింది. దీంతో కోలీవుడ్, టాలీవుడ్ ఇండస్ట్రీ ఒక్కసారిగా షాక్ అయింది. సక్సెస్ ఫుల్ హీరో, మ్యూజిక్ డైరెక్టర్ కూతురు ఎందుకు ఆత్మహత్య చేసుకోవాల్సిన పరిస్థితి ఏర్పడిందో ఎవరికీ అర్ధం కావట్లేదు. చదువు ఒత్తిడి వల్ల అని కొంతమంది అంటున్నారు. తెల్లవారుజామున ఇంట్లో వాళ్ళు చూసేసరికి ఆమె ఉరేసుకుని కనిపించగా.. వెంటనే హాస్పిటల్కు తరలించారు. కానీ అప్పటికే ఆమె మృతి చెందినట్లు వైద్యులు తెలిపారని సమాచారం అందింది. దీంతో విజయ్ ఆంటోని కుటుంబం తీవ్ర విషాదంలో మునిగిపోయింది. ఈ విషయం తెలుసుకుంటున్న పలువురు సినీ ప్రముఖులు, అభిమానులు, నెటిజన్లు.. మీరాకు సోషల్ మీడియా వేదికగా నివాళులు అర్పిస్తున్నారు. ఆంటోనీకి ధైర్యం చెబుతున్నారు.
కాగా, బిచ్చగాడు చిత్రంతో తెలుగు ప్రేక్షకులకు బాగా దగ్గరైన మల్టీ టాలెంటెండ్ హీరో విజయ్ ఆంటోనీ. ఈ చిత్రంలో తన నేచురల్ అండ్ ఎమోషనల్ యాక్టింగ్తో బాగా ఆకట్టుకున్నారు. ఆ తర్వాత పలు సినిమాలతో ఆడియెన్స్ను అలరించారు. ఓ వైపు నటుడిగా, మరోవైపు మ్యూజిక్ డైరెక్టర్గా కెరీర్ను రాణిస్తున్నారు విజయ్ ఆంటోనీ. రీసెంట్గానే బిచ్చగాడు 2 చిత్రంతో ప్రేక్షకుల ముందుకు వచ్చి మంచి విజయాన్ని అందుకున్నారు. ఆ తర్వాత రీసెంట్గా హత్య అనే ఇన్వెస్టిగేటివ్ థ్రిల్లర్ సినిమాతో అలరించారు. విజయ్.. నిర్మాత ఫాతిమాను 2006లో వివాహం చేసుకున్నారు. వీరికి ఇద్దరు కూతుర్లు ఉన్నారు. అందులో ఒక కూతురు పేరే మీరా.
Vijay Antony Accident News : ఈ ఏడాది జనవరిలో విజయ్ యాంటోనీ తీవ్ర ప్రమాదానికి గురైన సంగతి తెలిసిందే. చావు అంచుల వరకు వెళ్లి వచ్చారు. మలేషియాలో బిచ్చగాడు 2 షూటింగ్ సమయంలో బోటు యాక్సిడెంట్కు గురయ్యారు. ఆయన ముఖానికి బోటు తగలడం వల్ల, దవడను సరిచేయడానికి సుమారు 9 ప్లేట్లు వేశారు. నెలన్నరపాటు లిక్విడ్‌ డైట్‌లోనే ఉన్నారు.
విజయ్ ఆంటొనీ ముఖం మొత్తం గాయాలు, రక్తం.. కిందకు జారిన దవడ భాగం.. ఏం జరిగిందంటే?
బిచ్చగాడు-2 షూటింగ్లో ఘోర ప్రమాదం.. విజయ్ ఆంటోనీకి తీవ్ర గాయాలు
