Sujeeth Pawankalyan OG Movie : పవర్ స్టార్ పవన్ కళ్యాణ్ ఓ వైపు సినిమాలతో మరోవైపు రాజకీయాలతో బిజీగా ఉంటున్నారు. అయితే ఆయన నటిస్తున్న సినిమాల్లో అభిమానులను బాగా ఆకర్షిస్తున్నది 'OG'. దాదాపు ఐదేళ్ల తర్వాత పవన్ నటిస్తున్న ఫుల్ ఫ్లెడ్జ్ స్ట్రైట్ ఫిల్మ్ ఇది. 'సాహో' ఫేమ్ దర్శకుడు సుజిత్.. ఈ చిత్రాన్ని గ్యాంగ్స్టార్ నేపథ్యంలో తెరకెక్కిస్తున్నారు. అయితే ఈ మూవీ ప్రకటించినప్పటి నుంచి ఓ విషయం ఫ్యాన్స్లో ఆసక్తిని రేకెత్తిస్తోంది. అదేంటంటే స్టైలిష్ డైరెక్టర్‌గా ఇమేజ్ క్రియేట్ చేసుకున్న సుజిత్.. పవన్ను ఈ చిత్రంలో సూపర్ స్టైలిష్గా చూపిస్తారని, అలానే సినిమాలో ఎలివేషన్లు భారీ రేంజ్లో ఉంటాయని సినీ ప్రేక్షకులు, అభిమానులు అంచనాలు వేస్తున్నారు.
Pawankalyan OG movie Story : తాజాగా అందిన సమాచారం ప్రకారం ఈ చిత్రంలో పవన్ సాల్ట్ అండ్ పెప్పర్ లుక్లో కనిపిస్తారని తెలిసింది. ఇప్పటికే పవన్ లుక్స్కు సంబంధించి రెండు మూడు సుజిత్ డిజైన్ చేశారట. మరో కొత్త విషయం ఏమిటంటే.. ఈ సినిమా 20,30 ఏళ్ల ముందు నడిచే కథ కాదట. ఏకంగా 70ఏళ్లు వెనక్కి తీసుకెళ్లబోతున్నారట! 1950 బ్యాక్డ్రాప్లో నడిచే కథగా దీన్ని తీర్చిదిద్దుతున్నారట. అప్పటి పరిస్థితులను రీక్రియేట్ చేస్తున్నారట. ఒకవేళ ఇదే కనుక నిజమైతే... సుజిత్.. పవన్ను వింటేజ్ గ్యాంగ్స్టర్లా ఎలా చూపిస్తారో?
pawan kalyan og movie cast : ఇక ఈ సినిమా విషయానికొస్తే.. పవన్ ప్రస్తుతం చేస్తున్న సినిమాల్లో ఇదే చివరగా మొదలైంది. కానీ ఈ సినిమా షూటింగ్ శరవేగంగా జరుపుకుంటోంది. దీని కోసం ఆయన ఎక్కువ డేట్స్ కూడా ఇచ్చారట. ఇక ఈ చిత్రంలో పవన్.. మార్షల్ ఆర్ట్స్ నిపుణుడిగా, గ్యాంగ్‌స్టర్‌గా కనిపించబోతున్నారని ఇప్పటికే ప్రచారం ఊపందుకుంది. ఇప్పటికే రిలీజైన ఫొటోలు, పోస్టర్లను చూస్తే ఇది అర్థమవుతోంది. రీసెంట్గా సినిమాలోని ఓ కీలక పాత్ర కోసం తమిళ నటుడు అర్జున్ దాస్‌ను ఎంపిక చేశారు. 'ఖైదీ', 'మాస్టర్' సహా కొన్ని అనువాద చిత్రాలతో ఆయనకు తెలుగులో మంచి గుర్తింపు ఉంది. తెలుగులో 'బుట్టబొమ్మ' సినిమా చేశారాయన. ఇంకా పవన్ సరసన ప్రియాంక మోహన్ హీరోయిన్గా నటిస్తోంది. ప్రకాశ్ రాజ్ మరో కీలక పాత్ర పోషిస్తున్నారు.
ప్రభాత్‍తో 'సాహో' సినిమా చేసి.. సౌత్తో పాటు నార్త్లో యాక్షన్ అండ్ స్టైలిష్గా డైరెక్టర్‌గా సుజిత్ గుర్తింపు తెచ్చుకోవడం, 'ఆర్ఆర్ఆర్'తో బిగ్గెస్ట్ హిట్ అందుకున్న డీవీవీ ఎంటర్టైన్మెంట్స్ ఈ చిత్రాన్ని నిర్మిస్తుండటం వల్ల 'OG'పై భారీ అంచనాలు ఉన్నాయి.
Pawankalyan upcoming movies : ఇక పవన్ కల్యాణ్ 'ఓజీ' చిత్రంతో పాటు సముద్రఖని దర్శకత్వంలో 'బ్రో', హరీశ్ శంకర్ దర్శకత్వంలో 'ఉస్తాద్ భగత్ సింగ్', క్రిష్ డైరెక్షన్లో 'హరిహర వీరమల్లు' చిత్రాల్లో నటిస్తున్నారు. ఇవన్నీ కూడా షూటింగ్ దశలోని ఉన్నాయి. త్వరలోనే రిలీజ్ కానున్నాయి.
ఇదీ చూడండి :
OG Movie : పవన్ కల్యాణ్ మైండ్ బ్లాక్ రెమ్యునరేషన్.. ఎంతంటే?
Pawan Kalyan Shoes Cost : పవన్ కల్యాణ్ 'బ్రో' షూస్ అంతా కాస్ట్లీనా!
