'2.0' చిత్రంలో రోబోలైన.. రజనీకాంత్, అమీ జాక్సన్లు డ్యూయెట్లు పాడుకోవడం చూశాము. అంతకుముందు వచ్చిన 'రోబో' సినిమాలో కూడా చిట్టీ రోబో, సనా పాత్రల మధ్య చిన్న లవ్ట్రాక్ టచ్ ఇచ్చారు ఆ సినిమా డైరెక్టర్. ఇప్పుడు పూర్తిస్థాయిలో ఓ హ్యూమన్-రోబో లవ్ స్టోరీ తెరకెక్కుతోంది. వైవిధ్య చిత్రాల కోసం ప్రయత్నించే బాలీవుడ్ ఈసారి ఈ కొత్త ఫార్ములాతో ప్రేక్షకులను అలరించాలని భావిస్తోంది. ఈ సినిమాలో రోబోటిక్స్ ఇంజినీర్గా స్టార్ హీరో షాహిద్ కపూర్ నటిస్తుండగా, షాహిద్ రొమాన్స్ చేసే రోబో పాత్రలో కృతిసనన్ మెరవనుంది.
ఈ చిత్రానికి అమిత్ జోషి దర్శకత్వం వహిస్తున్నారు. భారతీయ సంస్కృతి-సంప్రదాయాల నేపథ్యంలో ఈ సినిమాను తెరకెక్కిస్తున్నట్లు తెలుస్తోంది. 2014లో రిలీజైన హాలీవుడ్ చిత్రం 'ఎక్స్ మెషీనా', 2016-17 మధ్య ప్రసారమైన 'బహు హమారీ రజనీకాంత్' అనే సీరియల్ ఆధారంగా ఈ సినిమాను నిర్మిస్తున్నట్లు సమాచారం. అయితే దీనిపై చిత్రబృందం అధికారిక ప్రకటన ఇవ్వాల్సి ఉంది. మరోవైపు షాహిద్ కపూర్ అలీ అబ్బాస్ జాఫర్ దర్శకత్వంలోని ఓ చిత్రంలో నటిస్తుండగా.. ఓటీటీలోకి ఎంట్రీ ఇచ్చేందుకు సన్నాహాలు చేస్తున్నారు. ఇటు కృతిసనన్ కూడా వరుస ప్రాజెక్టులతో బిజీగా ఉంది. భేడియా, ఆదిపురుష్, గణ్పథ్, షెహ్జాదా ప్రాజెక్టుల్లో భాగమైంది.
ఇదీ చూడండి : షారుక్ 'మన్నత్'తో సల్మాన్కు ఉన్న బంధం తెలుసా?
