Samantha Health Update : అగ్ర కథానాయిక సమంత చాలా కాలం నుంచి మయోసైటిస్ అనే ఆటో ఇమ్యూనీ వ్యాధితో ఇబ్బంది పడుతున్న సంగతి తెలిసిందే. చాలా సార్లు దీని గురించి చెప్పుకొని బాధ కూడా పడింది. అయినప్పటికీ ఎవ్వరినీ ఇబ్బంది పెట్టకుండానే ఓ వైపు సినిమాలు చేస్తూ మరోవైపు ఈ వ్యాధికి సంబంధించిన చికిత్స తీసుకుంది. కానీ కొద్ది రోజుల క్రితం మాత్రం ఖుషి సినిమా సమయంలో కాస్త ఇబ్బంది తలెత్తడంతో ఆ తర్వాత సినిమాలకు బ్రేక్ ఇచ్చి.. కేవలం ఆరోగ్యం, మానసిక ప్రశాంతతపైనే దృష్టి పెట్టింది.
వెకేషన్ ట్రిప్స్ అంటూ ఎంజాయ్ చేస్తూనే చికిత్స తీసుకుంటోంది. ఈ మధ్యే హైదరాబాద్ తిరిగి వచ్చిన ఈమె.. సోషల్ మీడియాలో యాక్టివ్గా ఉంటూ తన పర్సనల్ అప్డేట్స్ షేర్ చేస్తోంది. అలా తాజాగా తన ట్రీట్మెంట్కు సంబంధించి ఓ చిన్న అప్డేట్ను సోషల్ మీడియా ఇన్స్టా స్టేటస్లో షేర్ చేసుకుంది. కైరో థెరపీ సెషన్‌కు హాజరైనట్లు చెప్పుకొచ్చింది. ఓ ఫొటోను కూడా షేర్ చేసింది. అందులో ఆమె -150 డిగ్రీల ఫారెన్ హీట్లో పొగలు కక్కే చలిలో ఓ టబ్లో కూర్చొని కనిపించింది.
మానవ శరీరంలో బలహీనపడిన ఇమ్యూనిటీ సిస్టమ్‌ మెరుగ్గా పని చేయించడంతో పాటు, ఇన్‌ఫెక్షన్‌ బారినపడకుండా ఉండేలా ఈ థెరపీ సహాయ పడుతుందని చెప్పుకొచ్చింది. "ఇన్ఫెక్షన్స్తో పోరాడే వైట్ బ్లడ్ సెల్స్ఉత్పత్తిని పెంచుతుంది. రక్త ప్రసరణ సాఫీగా చేస్తుంది. మెంటల్ హెల్త్, ఎనర్జీని కూడా ఇస్తుంది. శరీరంలో ఉన్న మార్పును సరి చేసి మంచి ఆరోగ్యాన్ని అందిస్తుంది" అని రాసుకొచ్చింది.
Samantha Upcoming Movies : ఇక సమంత సినిమాల విషయానికొస్తే.. చివరగా రౌడీ హీరో విజయ్‌ దేవరకొండతో కలిసి ఖుషి చిత్రంతో ఆడియెన్స్ ముందుకు వచ్చింది. అయితే ఈ చిత్రం భారీ వసూళ్లను అందుకోకపోయినా.. డీసెంట్ టాక్తో లాగించేసింది. త్వరలోనే వరుణ్‌ ధావన్‌తో కలిసి నటించిన సిటాడెల్‌ ఇండియన్ వెర్షన్ వెబ్‌సిరీస్‌తో ఓటీటీలో సందడి చేయనుంది. అలానే సల్మాన్ ఖాన్తోనూ ఓ సినిమా చేయనుందంటూ ఆ మధ్య వార్తలు వచ్చాయి.
