Salaar Overseas Rights : పాన్ ఇండియా స్టార్ ప్రభాస్- డైరెక్టర్ ప్రశాంత్ నీల్ కాంబో భారీ యాక్షన్ ఎంటర్టైనర్ మూవీ 'సలార్' అనుకోని కారణాల వల్ల వాయిదా పడిన సంగతి తెలిసిందే. దీంతో ఈ చిత్రం ఎప్పుడెప్పుడు విడుదల అవుతుందా అని ఆసక్తిగా ఎదురు చూస్తున్న సమయంలో తాజాగా ఓ వార్త బయటకు వచ్చింది. అదేంటంటే.. ఈ సినిమా రికార్డ్ రేంజ్లో ఓవర్సీస్ బిజినెస్ చేసినట్లు సమాచారం అందింది.
గతంలో ఉత్తర అమెరికాలో ఆర్ఆర్ఆర్ మూవీ రైట్స్ రూ.40కోట్ల వరకు అమ్ముడుపోయాయి. ఇప్పటి వరకు ఓ తెలుగు సినిమాకు అక్కడ ఆ రేంజ్లో బిజినెస్ అవ్వడం అదే మొదటి సారి. ఇప్పుడు సలార్ దాదాపుగా ఆ నెంబర్కు దగ్గరగా వెళ్లింది. 4.5 మిలియన్ డాలర్లు. అంటే రూ.37 కోట్లకు అమ్ముడుపోయిందని తెలిసింది. దీంతో నార్త్ అమెరికాలో RRR తర్వాత సెకండ్ లార్జెస్ట్ డీల్గా రికార్డుకెక్కింది. అంటే ఈ లెక్క ప్రకారం చూస్తే.. అన్నీ రకాల ఖర్చులు కలిపి సలార్ బ్రేక్ ఈవెన్ టార్గెట్ 9 నుంచి 10 మిలియన్ డాలర్స్ ఉంటుంది.
అయితే ప్రభాస్.. బాహుబలి 2 తర్వాత మూడు చిత్రాల్లో నటించారు. అవి బాక్సాఫీస్ వద్ద నిరాశపరిచాయి. ఆ మూడు చిత్రాలు వేరు వేరుగా ఉత్తర అమెరికాలో ఫుల్ రన్ టైమ్లో దాదాపు 3 మిలియన్ డాలర్ల మార్క్ను టచ్ చేశాయి. ఆదిపురుష్ 3.1 మిలియన్ డాలర్స్, రాధేశ్యామ్ 2.2 మిలియన్ డాలర్స్, సాహో 3.3 మిలియన్స్ డాలర్స్ వరకు వసూళ్లను అందుకున్నాయని ట్రేడ్ వర్గాలు తెలిపాయి. వీటిని పరిగణలోకి తీసుుకుంటే ప్రభాస్ ఈ సారి 10 మిలియన్ డాలర్స్ మార్క్ను టచ్ చేస్తారా లేదా అనేది పెద్ద క్వశ్చన్ మార్క్.
Salaar New Release Date : అయితే ఈ చిత్రానికి కేజీయఫ్ దర్శకుడు ప్రశాంత్ నీల్ దర్శకత్వం వహిస్తున్నారు. ఆయన గత చిత్రాలు కేజీయఫ్ సిరీస్ భారీ విజయాన్ని నమోదు చేశాయి. కాబట్టి సలార్ కూడా భారీ రేంజ్లో విజయం సాధిస్తే.. ఏమైనా 10 మిలయన్ డాలర్స్ మార్క్ను అందుకుంటుందా అనేది చూడాలి. ఇకపోతే ఈ చిత్ర కొత్త రిలీజ్ డేట్పై ఇంకా సందిగ్ధత కొనసాగుతూనే ఉంది. ఈ ఏడాది నవంబర్ అని కొంతమంది అంటున్నారు. లేదంటే వచ్చే ఏడాది సంక్రాంతి లేదా ఇండిపెండెన్స్ డే రావొచ్చని చెబుతున్నారు.
- " class="align-text-top noRightClick twitterSection" data="">
Salaar Postponed : సలార్.. ఈ ఏడాది మిస్సైతే.. ఇక 2024లో వచ్చేది అప్పుడే!
