RRR Nizam 100crore collections: 'తొక్కుకుంటూపోవాలే', 'కుంభస్థలం బద్దలు కొడదాం పదా'.. హీరోలు ఎన్టీఆర్, రామ్చరణ్ చెప్పిన ఈ డైలాగ్లు సినీప్రియులందరికీ తెలిసే ఉంటుంది. రాజమౌళి దర్శకత్వంలో ఎన్టీఆర్, రామ్చరణ్ హీరోలుగా.. మార్చి 25న విడుదలైన 'ఆర్ఆర్ఆర్' సినిమా కలెక్షన్ల విషయంలో ఇదే చేస్తోంది. బాక్సాఫీస్ ముందు గర్జిస్తూ అడ్డొచ్చినా పాత రికార్డులన్నింటినీ తొక్కుకుంటూ.. కుంభస్థలాన్ని బద్దలు కొట్టే దిశగా దూసుకెళ్తోంది. ఇప్పటికే ప్రపంచవ్యాప్తంగా రూ.900కోట్లకు పైగా కలెక్షన్లను అందుకున్న ఈ చిత్రం.. తెలుగు రాష్ట్రాల్లోనూ రూ.330కోట్లకు పైగా వసూలు చేసినట్లు ట్రేడ్ వర్గాలు పేర్కొన్నాయి. అయితే తాజాగా నైజాంలో ఎవరూ ఊహించలేనంత స్థాయిలో రికార్డు వసూలు చేసి సరికొత్త బెంచ్ మార్క్ సెట్ చేసింది. రూ.100 కోట్ల షేర్ను అందుకుంది. నైజాంలో అంత మొత్తంలో కలెక్షన్లను కలెక్ట్ చేసిన తొలి సినిమాగా నిలిచింది. ఈ విషయాన్ని సినీ జర్నలిస్టు బీఏ రాజు సోషల్ మీడియా టీమ్ ట్వీట్ చేసింది.
యాక్షన్‌, ఎమోషనల్‌ డ్రామాగా రూపొందిన 'ఆర్ఆర్ఆర్'లో అల్లూరి సీతారామరాజుగా రామ్చరణ్, కొమురం భీమ్గా తారక్‌ నటించారు. సుమారు రూ.450 కోట్ల భారీ బడ్జెట్‌తో రూపుదిద్దుకున్న ఈ చిత్రాన్ని డీవీవీ ఎంటర్‌టైన్‌మెంట్స్‌ పతాకంపై దానయ్య నిర్మించారు. కీరవాణి స్వరాలు అందించారు. ఆలియాభట్‌ , ఒలీవియా మోరిస్‌ కథానాయికలు. శ్రియ, సముద్రఖని, అజయ్‌ దేవ్‌గణ్‌ కీలకపాత్రల్లో కనిపించారు.
ఇదీ చూడండి: కలెక్షన్లలో ఏమాత్రం తగ్గని 'ఆర్ఆర్ఆర్'.. అన్నీ కుదిరితే సీక్వెల్?
