Rashmika Mandanna Animal Movie : కన్నడ బ్యూటీ రష్మిక మందన్న ప్రస్తుతం పాన్ ఇండియా లెవెల్లో గుర్తింపు పొంది సక్సెస్ఫుల్ హీరోయిన్గా దూసుకెళ్తోంది. 'ష్ప ది రైజ్‌' సినిమాతో శ్రీ వల్లిగా కనిపించి అభిమానులను అలరించిన ఈ స్టార్, ఇటీవలే విడుదలైన 'యానిమల్' సినిమాతో మరో విజయాన్ని తన ఖాతాలో వేసుకుంది. ప్రస్తుతం 'పుష్ప 2'తో పాటు ధనుశ్ మూవీ షూటింగ్లో బిజీగా ఉన్న ఈ చిన్నది తాజాగా ఓ ఇంటర్వ్యూలో పాల్గొని 'యానిమల్' మూవీ గురించి ముచ్చటించింది.
యానిమల్లో ఆమె రణ్బీర్కు భార్యగా గీతాంజలి అనే పాత్రలో కనిపించింది. ఈ నేపథ్యంలో వీరిద్దరి మధ్య జరిగిన ఓ సీన్ తర్వాత ఆమె ఏడ్చినట్లు చెప్పుకొచ్చింది. రణ్బీర్ను కొట్టి కేకలు పెట్టానంటూ వెల్లడించింది.
"యానిమల్ సినిమాలో రణ్బీర్ను కొట్టే సీన్ నాకో సవాల్గా అనిపించింది. సింగిల్ టేక్లోనే ఆ సీన్ను షూట్‌ చేశాం. డైరెక్టర్ సందీప్‌ సీన్ను వివరించారు. పరిస్థితిని ఫీలవ్వాలంటూ చెప్పారు. నాకు ఆ ఒక్క మాట మాత్రమే గుర్తుంది. అంతే యాక్షన్‌, కట్‌ మధ్యలో ఏం జరిగిందో ఇంకేం గుర్తు లేదు. రణ్బీర్ను అరిచాను. కోపంతో అతడ్ని చెంపపై కొట్టాను. అయితే షాట్‌ ఓకే అని డైరెక్టర్ చెప్పినా కూడా నాకు కన్నీళ్లు ఆగలేదు. బాగా ఏడ్చేశాను. ఆ తర్వాత రణ్బీర్ దగ్గరికి వెళ్లి 'అంతా ఓకేనా' అని అడిగాను." అంటూ ఆ రోజు జరిగిన ఘటనను గుర్తు చేసుకుంది.
మరోవైపు ఇదే ఇంటర్వ్యూలో పుష్ప సినిమా గురించి కూడా అప్డేట్ ఇచ్చింది రష్మిక. ఈ సినిమా ఊహించిన దానికంటే భారీ స్థాయిలో ఉంటుందని తెలిపింది. "పుష్ప 2 గురించి నేను ఒకే ఒక్క మాట చెప్పగలను. ఈ సినిమా మీరు ఊహించిన దానికంటే ఓ రేంజ్లో ఉండనుంది. పుష్ప ది రైజ్‌ సక్సెస్‌తో మాపై బాధ్యత మరింత పెరిగింది. ఇటీవలే నేను ఓ పాట షూట్‌లో పాల్గొన్నా. ఇది ముగింపు లేని కథ. మనం అనుకున్నట్లు ఈ సిినిమాను తీర్చిదిద్దవచ్చు. ఈ చిత్రం విషయంలో నాకు ఎలాంటి ఒత్తిడి లేదు. ఇందులో నా పాత్ర చాలా మెరుగ్గా ఉంటుంది. ఇక దీంతో పాటు శేఖర్‌ కమ్ముల - ధనుష్‌ ప్రాజెక్ట్‌లో నటిస్తున్నాను" అంటూ తన లేటెస్ట్ మూవీ అప్డేట్స్ తెలిపింది.
- " class="align-text-top noRightClick twitterSection" data="">
రష్మిక 'క్రష్ క్లబ్'లో చేరిన ఆలియా భట్- 'యానిమల్' హీరోయిన్ రియాక్షన్ ఏంటో తెలుసా?
రష్మిక బ్యూటీ సీక్రెట్- హ్యాండ్ బ్యాగ్లో అది పక్కాగా ఉండాల్సిందేనట!
