Ram Gopal Varma Prabhas: సెన్సేషనల్ డైరెక్టర్ రామ్గోపాల్ వర్మ తాను తెరకెక్కించిన సినిమాలతోనే కాదు వాటి ప్రమోషన్ల వల్ల సినీ ఇండస్ట్రీలో చాలా ఫేమస్ అయ్యారు. కాంట్రవర్సీలకు కేరాఫ్ అడ్రెస్గా నిలిచే ఈ డైరెక్టర్.. అప్పటి 'శివ'నుంచి ఇప్పటి 'కొండా' వరకు తనదైన మార్క్ను సృష్టించారు. అయితే త్వరలో ఓ ప్రముఖ స్టార్తో స్కీన్ షేర్ చేసుకోనున్నారని సమాచారం. ఆయన మరెవరో కాదు మన ఆరడుగుల అందగాడు ప్రభాస్.
వరుస పాన్‌ ఇండియా చిత్రాలతో బిజీగా ఉన్న ప్రభాస్.. ప్రస్తుతం 'సలార్‌', 'ప్రాజెక్ట్-కె' సినిమాల్లో నటిస్తున్నారు. మైథలాజికల్ మూవీ 'ఆది పురుష్‌' నిర్మాణాంతర కార్యక్రమాలను జరుపుకుంటుండగా.. మారుతీతో మరో ప్రాజెక్ట్‌ను ఆయన లైన్లో పెట్టారు. అయితే 'ప్రాజెక్ట్-కె'కు సంబంధించిన ఓ అప్డేట్ నెట్టింట చక్కర్లు కొడుతోంది. ఈ సినిమాలో ఓ ముఖ్య పాత్రలో రామ్గోపాల్ వర్మ మెరవనున్నారట. దీని కోసం ఇటీవలే నాగ్ అశ్విన్.. ఆర్జీవీని సంప్రదించగా కథ నచ్చడం వల్ల ఆయన వెంటనే ఓకే చెప్పేశారట. దీంతో ఆర్జీవీ త్వరలో రంగులు అద్దుకునేందుకు సిద్ధం కానున్నారని సమాచారం.
దీంతో ఆర్జీవీ రోల్ గురించి ఫ్యాన్స్లో ఆసక్తి నెలకొంది. ఎప్పుడు డిఫరెంట్గా ఆలోచించే ఆర్జీవీ అసలు ఎటువంటి క్యారెక్టర్లో తెరపై కనిపించనున్నారని ఆలోచిస్తున్నారు. అయితే ఈ వార్తలో వాస్తవమెంతుందో తెలియాలంటే అధికారిక ప్రకటన వచ్చే వరకు వేచి చూడాలి. . వైజయంతీ మూవీస్‌ బ్యానర్‌పై అశ్వినీ దత్‌ తెరకెక్కిస్తున్న ఈ సినిమాలో ప్రభాస్‌కు జోడీగా దీపికా పదుకొణె నటిస్తున్నారు.
ఇదీ చదవండి:'కాంతార' ఓటీటీ సంగతేంటి? అప్పటివరకు వచ్చే ఛాన్స్ లేదా?
