మెగా పవర్ స్టార్ రామ్ చరణ్ తేజ్.. దిగ్గజ దర్శకుడు శంకర్ దర్శకత్వంలో ఆర్సీ-15 అనే వర్కింగ్ టైటిల్తో ఓ సినిమా తెరకెక్కుతోంది. ఈ సినిమా షూటింగ్ లేట్ అవుతుండటం వల్ల అభిమానుల్లో కలవరం మొదలైంది. అయితే, ఈ సినిమాకు సంబంధించి కొన్ని ఫొటోలు నెట్టింట్లో వైరల్ అయ్యాయి. అందులో రామ్ చరణ్ వివిధ రకాల ఆహార్యాల్లో కనిపిస్తున్నారు. అతడికి తోడు కథానాయిక అంజలి కూడా ఉన్నారు. ఇప్పుడు ఈ ఫొటోలు హాట్ సోషల్ మీడియాలో హాట్ టాపిక్గా మారాయి. ఈ ఫొటోలను బట్టి సినిమా స్టోరీ గురించి అనేక ఊహాగానాలు వినబడుతున్నాయి.
కొన్ని ఫొటోల్లో రామ్ చరణ్ ధోతి కట్టుకుని.. ఇంటిముంగిట కూర్చొని ఉన్నట్లు ఉంది. దీన్ని చూస్తే మెగాస్టార్ చిరంజీవి 'స్వయం కృషి' సినిమా గుర్తుకొస్తుందని అనుకుంటున్నారు. మరో పక్క ఓ ఫొటో ఫ్రేమ్లో రామ్ చరణ్-అంజలి ఉన్నారు. ఆ ఫొటోలో ఎస్వీసీ అని హ్యాష్ ట్యాగ్ జోడించారు. మరో ఫొటోలో చరణ్, అంజలితో పాటు ఓ బాలుడు ఉన్నాడు. మరో పక్క షూటింగ్ స్పాట్లో ఫోన్ పట్టుకుని హీరోయిన్ అంజలి కనిపించింది. కొన్ని ఫొటోల్లో భారతీయుడులో కమల్ హాసన్ను, రామ్ చరణ్ను పక్క పక్కన పెట్టి పోలుస్తున్నారు. అయితే ఇవి లీకైన ఫొటోలా లేదా ఎవరైనా అభిమానులు క్రియేట్ చేశారా అన్న విషయం తెలియాల్సి ఉంది. నిర్మాణ సంస్థ శ్రీ వెంకటేశ్వర క్రియేషన్స్ కూడా అధికారింకంగా ఏ అప్డేట్ ఇవ్వలేదు.
రామ్‌చరణ్‌- శంకర్ కాంబినేషన్లో ఓ క్రేజీ ప్రాజెక్ట్‌గా సిద్ధమవుతున్న ఈ సినిమాలో ప్రముఘ నటుడు ఎస్‌జే సూర్య ఓ కీలకపాత్రలో నటిస్తోన్నారు. ఇందులో ఆయన పాత్ర ఎంతో కీలకంగా, ప్రేక్షకులను ఆకట్టుకునేలా ఉండనుంది. పూర్తిస్థాయి రాజకీయ కోణంలో సాగే కథ ఇది. శ్రీకాంత్‌, అంజలి ముఖ్య భూమికలు పోషిస్తున్నారు. తమన్‌ స్వరాలు అందిస్తున్నారు. కియారా అడ్వాణీ కథానాయిక. కార్తిక్‌ సుబ్బరాజు ఈ చిత్రానికి కథ అందించారు.
ఇవీ చదవండి: మల్టీప్లెక్స్లలో వరల్డ్ కప్ మ్యాచ్ల లైవ్.. ఏ ప్రాంతాల్లో అంటే?
కొత్త ఫొటోలతో పిచ్చెక్కిస్తున్న శ్రీముఖి .. అందాల ఆరబోతలో తగ్గేదే లే
