Prabhas Deepika Padukone: పాన్ఇండియా స్టార్ ప్రభాస్-బాలీవుడ్ లేడీ సూపర్స్టార్ దీపికా పదుకొణె కలిసి నటిస్తున్న చిత్రం 'ప్రాజెక్టు కె'. ప్రస్తుతం హైదరాబాద్లో ఈ సినిమా చిత్రీకరణ జరుగుతోంది. షూటింగ్లో భాగంగా ఇటీవలే దీపిక అస్వస్థతకు గురైనట్లు వార్తలు వచ్చాయి. దీంతో షూటింగ్ నుంచి నేరుగా ఆమె ఆస్పత్రికి వెళ్లారని సమాచారం.
ఈ క్రమంలోనే దీపిక కోసం నిర్మాతలకు ఓ విన్నపం చేశారట ప్రభాస్. అనారోగ్యం నుంచి ఆమె కోలుకోవడానికి వీలుగా షూటింగ్ షెడ్యూల్ను ఓ వారం పాటు వాయిదా వేయాల్సిందిగా నిర్మాతలను ప్రభాస్ కోరినట్లు సమాచారం.
దీపిక-ప్రభాస్ కాంబినేషన్లో వస్తున్న తొలి సినిమా ఇదే. దీపిక తొలి తెలుగు చిత్రం కూడా ఇదే. ఈ సినిమాలో బిగ్బీ అమితాబ్ బచ్చన్, దిశా పటానీ కీలకపాత్రలో నటించనున్నారు. వైజయంతీ మూవీస్ పతాకంపై తెరకెక్కుతున్న ఈ సినిమాకు 'మహానటి' ఫేం నాగ్ అశ్విన్ దర్శకుడు.
ఇదీ చూడండి: దీపికకు అస్వస్థత.. 'ప్రాజెక్ట్ కే' షూటింగ్ నుంచి హడావుడిగా ఆసుపత్రికి!
