టాలీవుడ్‌లో సస్పెన్స్ కాప్ థ్రిల్లర్ మూవీగా తెరకెక్కిన విశ్వక్ సేన్ 'హిట్-ది ఫస్ట్ కేస్' బాక్సాఫీస్ వద్ద ఎంతటి విజయాన్ని సాధించిందో అందరికీ తెలిసిందే. ఈ సినిమాను దర్శకుడు శైలేష్ కొలను తెరకెక్కించగా వాల్ పోస్టర్ సినిమా బ్యానర్‌పై నేచురల్ స్టార్ నాని ప్రొడ్యూస్ చేశారు. ఇక ఈ సినిమాలో విశ్వక్ సేన్ పర్ఫార్మెన్స్ నెక్ట్స్ లెవెల్‌లో ఉండటంతో, ఈ సినిమా ప్రేక్షకులకు బాగా కనెక్ట్ అయ్యింది. దీంతో ఈ చిత్ర సీక్వెల్ కోసం ఎంతో ఆసక్తిగా ప్రేక్షకులు ఎదురుచూస్తున్నారు. అయితే ఈ చిత్రం హిట్ మల్టీవర్స్గా రూపొందనుందని కొంత కాలం నుంచి వార్తలు వస్తున్న సంగతి తెలిసిందే.
అలానే మరోవైపు కేవలం ఫస్ట్ లుక్ పోస్టర్స్‌తోనే 'హిట్ 2' మూవీపై ఆసక్తిని పెంచుతూ వచ్చిన చిత్రబృందం తాజాగా మరో సాలిడ్ అప్డేట్ ఇచ్చింది. టీజర్ రిలీజ్ డేట్ విషయాన్ని తెలుపుతూ ఓ స్పెషల్ వీడియోను రిలీజ్ చేసింది. ఇందులో ఈ సినిమా దర్శకుడు శైలేష్.. హిట్ చిత్రాన్ని మల్టీ వర్స్గా తెరకెక్కించబోతున్నట్లు క్లారిటీ చేశారు. వైవిధ్యంగా 'హిట్ వర్స్' అనే ప్రపంచాన్ని ప్రేక్షకులకు వివరించారు. హిట్-1, హిట్-2 చిత్రాల గురించి చెబుతూ ప్రేక్షకుల్లో ఈ మల్టీవర్స్పై ఆసక్తిని రేకెత్తించారు. ఇక హిట్-3 గురించి కూడా చెప్పేందుకు ప్రయత్నిస్తుండగా, హీరో అడివి శేష్ వచ్చి.. హిట్ 2 రిలీజ్ కాకుండానే, హిట్ 3 గురించి చెప్పేస్తావా అంటూ అడ్డుకున్నారు. దీంతో హిట్-2 టీజర్ డేట్ ఎప్పుడో చెప్పేయమని హీరో అడగ్గా.. నవంబర్ 3న హిట్-2 టీజర్‌ను రిలీజ్ చేస్తున్నట్లు చిత్ర డైరెక్టర్ ప్రకటించాడు. ఈ వీడియోను చూస్తుంటే ఈ హిట్ వర్స్ హాలీవుడ్ స్థాయిలో రూపొందించేందుకు ప్రయత్నిస్తున్నారని అర్థమవుతోంది.
కాగా, రెండో భాగంలో అడివి శేష్ హీరోగా నటిస్తుండగా.. ఎంఎం.శ్రీలేఖ, సురేష్ బొబ్బిలి ఈ చిత్రానికి సంగీతాన్ని అందిస్తున్నారు. ఇక డిసెంబర్ 2న చిత్రాన్ని ప్రేక్షకుల ముందుకు తీసుకొచ్చేందుకు చిత్ర యూనిట్ సిద్ధమవుతోంది.
- " class="align-text-top noRightClick twitterSection" data="">
ఇదీ చూడండి: ఆ సన్నివేశం వల్ల మానసికంగా చాలా ఇబ్బంది పడ్డా: జాన్వీ కపూర్
