ఓ పక్క ఫ్యామిలీ లైఫ్లో బిజీగా ఉంటూనే మరోవైపు తమ ఇంటి బిజినెస్ వ్యవహారాలను చక్కదిద్దుతుంటారు సినీ నటి నమ్రత శిరోద్కర్. ఇక ఆమె బిజీ లైఫ్లో అప్పుడప్పుడు సోషల్ మీడియాలో తనతో పాటు మహేశ్ అభిమానుల కోసం ఫ్యామిలీ ఫొటోలను షేర్ చేస్తుంటుంటారు. ఈ క్రమంలో మహేశ్ బాబు భార్య నమత్ర శిరోద్కర్ ఇన్స్టా వేదికగా ఇటీవలే ఇన్‌స్టాగ్రామ్ వేదికగా ఓ క్యూట్ ఫొటోను షేర్ చేశారు. అందులో మహేశ్ తన పిల్లలైన సితార, గౌతమ్‌లతో ఇంటరాక్ట్ అవుతున్నట్లు కనిపిస్తున్నారు. ఆ పోస్ట్ కింద "ఒకే చోట కలసిన నా ముగ్గురు యోధులు" అనే క్యాఫ్షన్ను జోడించారు. ప్రస్తుతం ఈ ఫొటో సోషల్ మీడియాలో సంచలనాలు సృష్టిస్తోంది. అయితే ఆ ఫొటోలో మహేశ్ లుక్స్ గురించి నెట్టింట చర్చలు మొదలయ్యాయి. కొత్త లుక్ సూపర్ అంటూ ఆ ఫొటోను తెగ షేర్ చేస్తున్నారు. మరోవైపు ఈ ఫొటోపై నెటిజన్లు రకరకాలుగా కామెంట్లు పెడుతున్నారు. "నమ్రత.. మీకు గౌతమ్ కాకుండా మరో పెద్ద అబ్బాయి కూడా ఉన్నారని చెప్పలేదేంటండి. గౌతమ్కు అన్నయ్య ఉన్నాడా ..? అంటూ సరదాగా కామెంట్లు పెడుతున్నారు.
ఇటీవలే మహేశ్కు సంబంధించిన ఓ క్రేజీ ఫొటోను సైతం నమ్రత షేర్ చేశారు. అందులో మహేశ్ బాబు ఓ బ్లూ కలర్ సూట్ వేసుకుని ఫొటోలకు ఫోజులిచ్చారు. అయితే ఆ ఫొటో.. ఓ ప్రముఖ దస్తుల బ్రాండ్ కోసం తీసిన ఫొటో షూట్కు సంబంధించిందని సమాచారం.
ఇక మహేశ్ బాబు రాబోయే సినిమాల విషయానికి వస్తే.. మహేశ్ ప్రస్తుతం మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న ఓ సినిమాలో నటిస్తున్నారు. 'SSMB28' అనే వర్కింగ్ టైటిల్తో తెరకెక్కనున్న ఈ సినిమాతో దాదాపు 12 ఏళ్ల తర్వాత ఈ కాంబో మళ్లి తెరపైకి వచ్చింది. ఇక సినిమాలో మహేశ్ సరసన పూజా హెగ్డే హీరోయిన్గా నటిస్తోంది. అంతే కాకుండా శ్రీలీల కూడా ఓ కీలక పాత్రలో కనిపించనుంది. శరవేగంగా షూటింగ్ జరుపుకుంటున్న ఈ సినిమా వచ్చే ఏడాది సంక్రాంతికి రిలీజవ్వనుంది. ఇప్పటికే రిలీజైన ఓ పోస్టర్ లుక్లో మహేశ్ న్యూ లుక్కు ఫిదా అయిన ఫ్యాన్స్.. ఈ సినిమా ఎప్పుడెప్పుడు రిలీజౌతుందా అంటూ ఆతృతగా ఎదురుచూస్తున్నారు. ఈ సినిమా తర్వాత మహేశ్.. త్వరలో దర్శక ధీరుడు రాజమౌళి సినిమాలో నటించనున్నారు.
- " class="align-text-top noRightClick twitterSection" data="
">
