Mahesh Babu Trivikram movie: సూపర్స్టార్ మహేశ్బాబు త్వరలోనే 'సర్కారు వారి పాట' సినిమాతో ప్రేక్షకుల ముందుకు రానున్నారు. శరవేగంగా పోస్ట్ ప్రొడక్షన్ పనులు జరుపుకుంటున్న ఈ చిత్రం మే 12న రిలీజ్ కానుంది. దీని తర్వాత ఆయన వరుసగా రెండు సినిమాలకు కమిట్మెంట్ ఇచ్చారు. అందులో త్రివిక్రమ్తో చేయబోతున్న మూవీ ఒకటి. పూజాహేగ్డే హీరోయిన్. హారికా అండ్‌ హాసిని క్రియేషన్స్‌ పతాకంపై ఇది తెరకెక్కనుంది.
అయితే ఈ సినిమా షూటింగ్ను వీలైనంత త్వరగా పూర్తి చేయాలని మహేశ్ నిర్ణయించుకున్నారట! ఏమాత్రం ఆలస్యం చేయకుండా జూన్లో లేదా జూలైలో సెట్స్పైకి తీసుకెళ్లి ఈ ఏడాది చివరి నాటికి షూటింగ్ పూర్తిచేయాలని చిత్రబృందానికి సూచించారట. ఎందుకంటే ఆ తర్వాత మహేశ్ తన డేట్స్ను పూర్తిగా దర్శకధీరుడు రాజమౌళి కోసం కేటాయించారని తెలిసింది. దీంతో.. మహేశ్ అభ్యర్థనను దృష్టిలో పెట్టుకున్న మాటల మాంత్రికుడు తన ప్రాజెక్ట్ను సవాల్గా తీసుకుని త్వరగా కంప్లీట్ చేసేందుకు సన్నాహాలు చేస్తున్నారట.
ఇక రాజమౌళి-మహేశ్ సినిమా విషయానికొస్తే.. దాదాపు రూ.800కోట్ల భారీ బడ్జెట్తో రూపొందనుందని సమాచారం. మహేశ్‌కు సరిపోయే కథ, కథనాలతో ఉన్నత నిర్మాణ విలువలతో ఈ ప్రాజెక్ట్ను తెరకెక్కించనున్నారట. అయితే జక్కన్న గత చిత్రాల మాదిరిగా ఎక్కువ రోజులు కాకుండా ఏడాదిలోపే సినిమాను పూర్తి చేస్తారని టాక్‌. ఈ సినిమా గురించి మరిన్ని వివరాలు తెలియాలంటే ఇంకొన్ని రోజులు వేచి చూడాల్సిందే!
ఇదీ చూడండి: ఫ్యాన్స్కు సారీ.. ఆ యాడ్ నుంచి తప్పుకున్న అక్షయ్
