ఓ సినిమా హిట్ విషయంలో పాటలు, డ్యాన్స్లు, ఫైట్స్ ఇలా ఎన్నో అంశాలు కీలకం. అయితే ఈ సాంగ్స్ విషయానికొస్తే రెండు రకాలు ఉంటాయి. కథలో భాగంగా వచ్చే పాటలు. కథను వివరించే పాటలు. ఈ రెండో రకాన్ని థీమ్ సాంగ్స్ అని అంటాం. అలా ఈ మధ్య కాలంలో వచ్చిన కొన్ని సినిమాల్లో ఈ థీమ్స్ సాంగ్స్ ప్రేక్షకుల్ని బాగా ఆకట్టుకున్నాయి. సోషల్మీడియా ప్లాట్ఫామ్స్లోనూ అత్యధిక వ్యూస్, లైక్స్తో దూసుకెళ్లాయి. మరి ఆ పాటలేంటి? అవి ఏ సినిమా కథను తెలియజేస్తున్నాయి? తెలుసుకుందాం..
కమల్‌హాసన్‌ కథానాయకుడిగా లోకేశ్‌ కనగరాజ్‌ సృష్టించిన సినిమాటిక్‌ యూనివర్స్‌ 'విక్రమ్'. ఇందులో కమల్‌.. కర్ణన్‌ అనే పాత్ర పోషించారు. చనిపోయిందనుకున్న ఆ పాత్ర తిరిగివచ్చే సన్నివేశం సినిమాకే కీలకం. ఆ కథాంశానికి తగ్గట్టే టైటిల్‌ ట్రాక్‌ ఉంటుంది. 'కాలమే కంపించినా మళ్లీ వచ్చెను నాయకుడు.. ఒక్కడే ఇద్దరు కదా రాముడూ రాక్షసుడు' అనే ఈ పాటకు థియేటర్లలోనే కాదు యూట్యూబ్‌లోనూ మంచి ఆదరణ దక్కింది.
- " class="align-text-top noRightClick twitterSection" data="">
నందమూరి కల్యాణ్‌రామ్‌ హీరోగా నూతన దర్శకుడు వశిష్ఠ రూపొందించిన చిత్రం 'బింబిసార'. టైమ్‌ ట్రావెల్‌ నేపథ్యంలో సాగే ఈ సోషియో ఫాంటసీ చిత్రంలో కల్యాణ్‌రామ్‌.. బింబిసారుడు, దేవదత్తుడుగా నటించారు. వర్తమాన పాత్ర దేవదత్తుడు పరిచయ సన్నివేశాన్ని ఓ ర్యాప్‌ సాంగ్‌తో తీర్చిదిద్దారు. ఇందులో బింబిసారుడి వీరత్వం గురించీ ఉంటుంది.
- " class="align-text-top noRightClick twitterSection" data="">
కృష్ణతత్వం కథాంశంతో యువ హీరో నిఖిల్‌- దర్శకుడు చందు మొండేటి కాంబోలో వచ్చిన చిత్రం 'కార్తికేయ 2'. ఇందులో 'హే మాధవ.. హే కేశవ' అంటూ సాగే పాట అటు కృష్ణుడి గురించి చెబుతూనే 'ప్రశ్నకు సమాధానం లభించే వరకూ హీరో పోరాడతానే ఉంటాడు' అనే అంశాన్ని స్పృశిస్తుంది.
- " class="align-text-top noRightClick twitterSection" data="">
కన్నడ నటుడు రిషబ్‌శెట్టి స్వీయ దర్శకత్వంలో నటించిన 'కాంతార' ఇటీవలే అన్ని భాషల్లో విడుదలై మంచి బాక్సాఫీస్ ముందు రికార్డులు సృష్టించింది. ఓ గూడెం నేపథ్యంలో సాగే ఈ కథలో హీరో విష్ణుమూర్తిగా (వరాహ రూపంలో) కనిపించే సన్నివేశం, 'వరాహ రూపం దైవ వరిష్ఠం' పాట సినిమాకే హైలైట్‌గా నిలిచాయి. ఈ సినిమా థీమ్.. కర్ణాటక తుళునాడులోని భూతకోల సంస్కృతిని తెలియజేస్తుంది.
- " class="align-text-top noRightClick twitterSection" data="">
ఇదీ చూడండి: చరణ్-బన్నీ మల్టీస్టారర్ ప్రాజెక్ట్.. ఆ దర్శకుడితో అల్లుఅరవింద్ చర్చలు
