junior ntr mahesh babu : చిత్రసీమలో హీరోల మధ్య ఉండే అనుబంధం, స్నేహబంధం గురించి తెలిసిందే. అప్పటి ఎన్టీఆర్-ఏఎన్నార్‌-కృష్ణ నుంచి ఇప్పటి ఎన్టీఆర్- రామ్చరణ్-మహేశ్బాబు వరకు అందరూ ఎంతో ఫ్రెండ్లీగా ఉంటారు. ఒకరి సినిమా ఈవెంట్లకు మరొకరు హాజరై అభిమానుల్లో ఉత్సాహాన్ని నింపుతుంటారు. అయితే ఇప్పుడా అనుబంధాన్ని ఇప్పటి తరం పిల్లలు కూడా కొనసాగించబోతున్నట్లు అర్థమవుతోంది.
jr ntr big son name : ఇప్పటికే టాలీవుడ్ ఇండస్ట్రీలో స్టార్ కిడ్స్ ఒకరి తర్వాత మరొకరు ఎంట్రీ ఇస్తున్నారు. రవితేజ, సుధీర్బాబు, మహేశ్ బాబు అల్లు అర్జున్ సహా ఇతర కథానాయకుల పిల్లలు చిత్రాల్లో నటించారు. రాజా ది గ్రేట్లో రవితేజ కొడుకు, విన్నర్, భలే భలే మగాడివోయ్లో సుధీర్ బాబు కొడుకు, అల్లుఅర్జున్ కూతురు శాకుంతంలో, మహేశ్ బాబు కూతురు సర్కారు వారి పాటలో కనిపించి అలరించారు. అయితే ఇప్పుడు జూనియర్ ఎన్టీఆర్ పెద్ద కొడుకు అభయ్ రామ్ కూడా సినిమాల్లోకి రాబోతున్నట్లు తెలుస్తోంది.
Mahesh babu daughter sitara : అది కూడా మహేశ్ బాబు కూతురు సితారతో కలిసి తెరను షేర్ చేసుకోనున్నాడని అంతా అంటున్నారు. ప్రస్తుతం దీని గురించి బయట కథనాలు వస్తున్నాయి. ఇంతకీ ఏ సినిమాలో అంటే.. దిగ్జజ దర్శకుడు రాజమౌళి తెరకెక్కించబోయే కొత్త సినిమాతో అభయ్ రామ్ ఎంట్రీ ఇస్తాడని అంటున్నారు. ప్రస్తుతం జక్కన్న మహేశ్బాబుతో కలిసి ఓ భారీ అడ్వెంచర్ సినిమా చేయబోతున్నారు. ప్రస్తుతం ప్రీ ప్రొడక్షన్ వర్క్స్ జోరుగా కొనసాగుతున్నాయి. ఈ చిత్రంలో ఇంట్రడక్షన్ సీన్ దాదాపు 20 నిమిషాల పాటు ఉండనుందని తెలిసింది.
ఇందులో మహేశ్ కూతురు సితార -ఎన్టీఆర్ కొడుకు అభయ్ రామ్ను అక్కాతమ్ముళ్లుగా చూపించనున్నారని అంటున్నారు. మరి ఇందులో నిజమెంతో తెలియదు కానీ.. ఈ వార్త తెగ చక్కర్లు కొడుతోంది. ఒకవేళ ఇదే కనుక నిజమైతే.. తారక్ కొడుకు మొదటిసారి సిల్వర్ స్క్రీన్పై కనిపించినట్టువుతుంది. ఈ విషయం తెలుసుకుంటున్న అభిమానులు హర్షం వ్యక్తం చేస్తున్నారు.
ఇకపోతే ఇప్పటికే మహేశ్ కూతురు.. మల్టీటాలెంటెడ్గా మంచి గుర్తింపు తెచ్చుకుంది. తన మాటలతో అందర్నీ ఆకట్టుకుంటుంది. డ్యాన్స్ కూడా చాలా బాగా వేస్తుంది. సోషల్మీడియాలోనూ మంచి ఫాలోయింగ్ను సంపాదించుకుంది. రీల్స్, డ్యాన్స్ చేస్తూ సందడి చేస్తుంది. ఇటీవలే ఓ ఇంటర్నేషనల్ జ్యూవెలరీకి బ్రాండ్ అంబాసిడర్గా ఎంపికైంది. ప్రఖ్యాత న్యూయార్క్ టైమ్స్ స్క్వేర్ బిల్ బోర్డుపై ఆమె ఫొటోలు కూడా ప్రదర్శితమయ్యాయి. మహేశ్ నటించిన 'సర్కారు వారి పాట' చిత్రంలోని పెన్ని సాంగ్లో తండ్రితో కలిసి చిందులేసింది.
ఇదీ చూడండి :
అదీ సితార పాప రేంజ్.. ఏకంగా న్యూయార్క్ టైమ్స్ స్క్వేర్ బిల్బోర్డ్పై..
సారంగదరియా సాంగ్‌కు 'సితార పాప' డ్యాన్స్.. దుమ్ము దులిపేసిందిగా!
