మాజీ భార్య, నటి అంబర్ హెర్డ్పై పరువు నష్టం కేసుతో ఇటీవలే వార్తల్లో నిలిచిన హాలీవుడ్ స్టార్ హీరో జానీ డెప్కు జాక్పాట్ తగిలింది! ప్రముఖ నిర్మాణ సంస్థ డిస్నీ అతడికి రూ.2355కోట్లు (301 మిలియన్ డాలర్లు) ఆఫర్ చేసినట్లు తెలుస్తోంది. ప్రపంచవ్యాప్తంగా సూపర్హిట్ ఫ్రాంఛైజీగా నిలిచిన 'పైరేట్స్ ఆఫ్ ది కరీబియన్' సిరీస్లో తిరిగి కెప్టెన్ జాక్ స్పారోగా అతడిని నటింపజేసేందుకు ఈ భారీ మొత్తాన్ని అందించనున్నట్లు సమాచారం.
అయితే ఈ ఆఫర్ను జానీ అంగీకరిస్తారా? లేదా అనేది ఆసక్తికరంగా మారింది. ఎందుకంటే 2018లో తాను కూడా గృహ హింస బాధితురాలినే అంటూ అంబర్హెర్డ్.. వాషింగ్టన్పోస్ట్లో ఓ వ్యాసం రాసింది. దీంతో డెప్పై అనేక విమర్శలు వెల్లువెత్తాయి. పలు నిర్మాణ సంస్థలు ఆయనతో సినిమాలను రద్దు చేసుకున్నాయి. ఈ క్రమంలోనే డిస్నీ కూడా 'పైరేట్స్ ఆఫ్ ది కరీబియన్' ఫ్రాంఛైజీ నుంచి అతడిని తొలగించింది.
అయితే తనపై వచ్చిన ఆరోపణలు అవాస్తవమని కోర్టుకెక్కారు జానీడెప్. అంబర్హెర్డ్పై 50 మిలియన్ల పరువు నష్టం కేసు వేసి గెలిచారు. దీంతో డెప్తో తిరిగి సంబంధాలను ఏర్పరచుకునేందుకు డిస్నీ అమితాసక్తి చూపిస్తున్నట్లు సంబంధిత వర్గాల సమాచారం. అందుకోసం ఎంత మొత్తం చెల్లించేందుకైనా సిద్ధంగా ఉందని ఓ ప్రముఖ ఆంగ్ల వెబ్సైట్ పేర్కొంది.
ఇప్పటికే డెప్కు క్షమాపణ లేఖ సహా 301 మిలియన్ డాలర్ల ఆఫర్ను డిస్నీ పంపినట్లు సదరు సంస్థ తెలిపింది. 'పైరేట్స్ ఆఫ్ ది కరీబియన్ 6'తో పాటు జాక్స్పారో తొలి దశ జీవితంపై ఓ డిస్నీ ప్లస్ సిరీస్ కోసం డెప్కు ఈ మొత్తాన్ని చెల్లించనున్నట్లు సమాచారం. అయితే ఈ సమాచారంపై ఎలాంటి అధికారిక ప్రకటన లేదు.
ఇదీ చూడండి: జానీ డెప్-అంబర్ హెర్డ్.. ప్రేమ కథ నుంచి కోర్టు దాకా.. వయా ఎలాన్ మస్క్!
