సినీ ప్రేక్షకులు ఆశించినట్టే నందమూరి నటసింహం బాలకృష్ణ సంక్రాంతి బరిలోకి దిగారు. తన ట్రేడ్ మార్క్ ఫ్యాక్షన్ లీడర్గా ఆయన నటిస్తున్న తాజా చిత్రం 'వీరసింహారెడ్డి'ని పండగకు విడుదల చేయనున్నారు. ఈ విషయాన్ని చిత్రబృందం ఓ స్పెషల్ పోస్టర్ను రిలీజ్ చేస్తూ స్పష్టం చేసింది. ఇందులో బాలయ్య సీరియస్గా.. జనవరి 12న వస్తున్నా అంటూ కనిపించారు. 'అఖండ'తో ఘన విజయం అందుకున్న తర్వాత బాలకృష్ణ కథానాయకుడిగా నటించిన చిత్రమిది. మరోవైపు ఇప్పటికే వీరిసింహారెడ్డి నుంచి విడుదలైన పోస్టర్స్, సాంగ్, టీజర్ సినిమాపై భారీ అంచనాలను పెంచేశాయి.
కాగా, ఈ చిత్రాన్ని మలినేని దర్శకత్వంలో మైత్రీ మూవీ మేకర్స్ నిర్మిస్తోంది. శ్రుతిహాసన్‌ హీరోయిన్. వరలక్ష్మి శరత్‌కుమార్‌, దునియా విజయ్‌ కీలక పాత్రలు పోషిస్తున్నారు. నవీన్‌ యెర్నేని, వై.రవిశంకర్‌ నిర్మాతలు. ప్రస్తుతం హైదరాబాద్‌లో చిత్రీకరణ జరుగుతోంది. సాయిమాధవ్‌ బుర్రా-మాటలు, నవీన్‌ నూలి-కూర్పు, ఎ.ఎస్‌.ప్రకాశ్‌-ప్రొడక్షన్‌ డిజైన్‌,రిషి పంజాబీ- ఛాయాగ్రహణం, తమన్ -సంగీతం అందించారు. ఇకపోతే ఈ సంక్రాంతికి మెగాస్టార్ చిరంజీవి కూడా బరిలోకి దిగనున్నారు. మాస్ అవతారంలో చిరు చేస్తున్న ఈ చిత్రాన్ని బాబీ డైరెక్ట్ చేస్తున్నారు. ఈ మూవీని కూడా సంక్రాంతికే రిలీజ్ చేస్తున్నట్లు మైత్రి మూవీ మేకర్స్ ఇప్పటికే అనౌన్స్ చేశారు. కానీ డేట్ క్లారిటీ ఇవ్వలేదు. అయితే 13వ తేదీన ఇది థియేటర్లలో సందడి చేస్తుందని సినీ వర్గాలు అంటున్నాయి. దీంతో సంక్రాంతి సీజన్లో చిరు, బాలయ్యల పోటికి రంగం సిద్ధమైంది.
ఇదీ చూడండి: 'హిట్' ఫ్రాంచైజీలో నటించమని అడివిశేష్ రిక్వెస్ట్.. సమంత సూపర్ రిప్లై!
