Adipurush 3d Teaser : 'ఆదిపురుష్'పై వస్తున్న ట్రోలింగ్పై మూవీ టీమ్ స్పందించింది. ఈ మేరకు గురువారం హైదరాబాద్లో ప్రెస్ కాన్ఫరెన్స్ నిర్వహించారు. విలేకరులకు స్పెషల్ స్క్రీనింగ్ వేశారు. అనంతరం మీడియా సమావేశంలో టాలీవుడ్ దిగ్గజ నిర్మాత దిల్ రాజు మాట్లాడారు. ఇటువంటి సినిమాలు వస్తే ప్రేక్షకులు ఆదరిస్తారని చెప్పారు. మొదటి రోజు అన్ని సినిమాలకు నెగెటివ్ వైబ్స్ కామన్ అని చెప్పారు. పెద్ద స్క్రీన్ల కోసం ఈ సినిమా తీశారని.. ఫోన్లలో, టీవీల్లో చూస్తే ఆ ఎక్స్పీరియెన్స్ రాదని అన్నారు. మంచి విజువల్ ఎఫెక్ట్స్ ఉన్న సినిమాలు పెద్ద స్క్రీన్లపైనే బాగుంటాయన్నారు.
సాధారణ ప్రేక్షకుడికి నచ్చితే ఆ సినిమా విజయం సాధిస్తుందని చెప్పారు దిల్రాజు. ఇప్పుడు ట్రోలింగ్ను పట్టించుకోవద్దన్నారు. ఇటీవల విడుదలైన 'పీఎస్-1', 'కార్తికేయ-2', 'బింబిసార' లాంటి సినిమాలు మంచి విజయం సాధించాయని చెప్పారు. ఆ తర్వాత ప్రభాస్ మాట్లాడారు. 'ఆదిపురుష్' టీజర్ చూసి తాను చిన్న పిల్లాడిని అయిపోయినట్లు చెప్పారు. శుక్రవారం 'ఆదిపురుష్' సినిమా త్రీడీ టీజర్ను రెండు తెలుగు రాష్ట్రాల్లో 60 థియేటర్లలో రిలీజ్ చేస్తున్నామని తెలిపారు. ఈ సాంకేతికత దేశంలో ఇదే మొదటిసారి అని చెప్పారు. ఈ సినిమా పెద్ద స్క్రీన్స్ కోసం తీశామని పేర్కొన్నారు.
అనంతరం ఓం రౌత్ మాట్లాడుతూ సినిమాను ప్రేక్షకులు ఆదరించాలని కోరారు. ఈ కార్యక్రమంలో పాల్గొన్న టీ-సిరీస్ అధినేత భూషన్ కుమార్.. సినిమాపై ఉన్న అభిరుచితో 'ఆదిపురుష్' తీశామని చెప్పారు. ఈ సినిమాను నిర్మిస్తున్న మరో బ్యానర్ రెట్రో ఫైల్స్ అధినేత రాజేశ్ కూడా ఈ కార్యక్రమంలో పాల్గొన్నారు.
ఇవీ చదవండి: 'ఆదిపురుష్'కు కాపీ సెగ.. ఘాటు వ్యాఖ్యలు చేసిన యానిమేషన్ సంస్థ
నవంబర్లో సెట్స్ మీదకు 'NBK 108'.. వచ్చే ఏడాది వేసవిలో రిలీజ్!
