2023 Top 5 Movies : గత కొన్ని సంవత్సరాల నుంచి టాలీవుడ్ సినిమాలు పాన్ ఇండియా లెవల్లో సూపర్ హిట్స్ అందుకుని సెన్సెషన్ క్రియేట్ చేసిన సంగతి అందరికీ తెలిసిందే. 'బాహుబలి', 'పుష్ప1' 'ఆర్ఆర్ఆర్' ఇలా చాలా సినిమాలు బ్లాక్ బస్టర్ హిట్స్ అందుకోవడమే కాకుండా తెలుగు సినిమాలకు అంతర్జాతీయ స్థాయిలో గుర్తింపు కూడా తెచ్చిపెట్టాయి. ఇలా దాదపు గత 5 ఏళ్ల నుంచి ఏటా ఏదొక సినిమా పాన్ ఇండియా స్థాయిలో హిట్ అందుకుంటూ తెలుగు సినిమాల ఖ్యాతిని మరింత పెంచుతున్నాయి. అయితే ఈ ఏడాది మాత్రం ఆ పద్దతికి బ్రేక్ పడింది.
మరో రెండు నెలల్లో 2023 సంవత్సరం కూడా పూర్తి అవ్వనుంది. అయితే టాలీవుడ్ నుంచి ఇంతవరకూ ఏ సినిమా పాన్ ఇండియా లెవెల్లో గుర్తింపు పొందలేదు. భారీ సినిమాలే వచ్చినప్పటికీ.. ఇండియా స్థాయిలో ఒక్క హిట్ కూడా పడలేదు.
ఇక ఇండియా వైడ్ టాప్ మూవీస్ లిస్ట్లో 'జవాన్', 'పఠాన్', 'జైలర్', 'లియో', 'గద్దర్2' ఉన్నాయి. అయితే ఈ జాబితాలో ఏ ఒక్క టాలీవుడ్ చిత్రం పేరు కూడా ఉండకపోవడం గమనార్హం. అయితే మిగతా భాషల సినిమాలు ఈ ట్రెండ్లో చేరుకుని రికార్డులు సృష్టించాయి కలెక్షన్ల పరంగాను దూసుకెళ్లాయి. ఏడాది మొదట్లో తెరకెక్కిన 'జవాన్' నుంచి తాజాగా వచ్చిన 'లియో' వరకు అన్నీ వేరే భాష సినిమాలే.
ఇటీవలే పాన్ ఇండియా లెవెల్లో తెరకెక్కిన ప్రభాస్ 'ఆదిపురుష్' కూడా బాక్సాఫీస్ వద్ద నిలవలేకపోయింది. ఇక తాజాగా విడుదలైన టైగర్ నాగేశ్వర రావు కూడా మంచి టాక్ అందుకున్నప్పటికీ ఆశించిన స్థాయిలో కలెక్షన్లను అందుకోలేకపోతోంది. అయితే గతేడాది మాత్రం టాలీవుడ్లో విడుదలైన 'ఆర్ఆర్ఆర్' ఇంటర్నెషనల్ లెవెల్లో దూసుకెళ్లి.. ఆస్కార్ను కూడా అందుకుంది. అయితే ఈ సంవత్సరం కనీసం ఇండియా స్థాయిలో చెప్పకొదగిన విధంగా ఒక్క సినిమా కూడా లేవన్న విషయం తెలుగు అభిమానులను నిరాశకు గురిచేస్తోంది.
- " class="align-text-top noRightClick twitterSection" data="">
2024 Tollywood Movies : దీంతో రానున్న కాలంలోనైనా ఆ స్థాయి సినిమాలు మన టాలీవుడ్లోనూ రావాలని తెలుగు మూవీ లవర్స్ ఆశిస్తున్నారు. 'సలార్', 'దేవర', 'కల్కి 2898 ఏడీ', లాంటి పాన్ ఇండియా చిత్రాలు థియేటర్లలో సందడి చేయనున్న తరుణంలో ఈ సారైనా పాన్ ఇండియా లెవెల్లో సాలిడ్ హిట్ పడాలని ప్రేక్షకులు ఆశిస్తున్నారు.
Salaar Vs Dunki : 'సలార్' దెబ్బ.. 'డంకీ' అబ్బా.. షారుక్ కొత్త మూవీ రిలీజ్ వాయిదా!
Bhagavanth kesari vs Leo vs tiger nageswara rao Collections : దసరా ముగిసింది.. ఇక అసలు కథ షురూ
