ఓ యువకుడిని ద్విచక్ర వాహనంపై వెంబడించి... బైక్తో ఢీకొట్టి.. పొలాల్లోకి లాక్కెళ్లి కత్తులతో నరికి చంపిన ఘటన నల్గొండ జిల్లా నిడమనూర్ మండల పరిధిలో జరిగింది. నారమ్మగూడెం- సత్యనారాయణపురం మార్గంలో యువకుడిని కిరాతకంగా హత్య చేశారు. మిర్యాలగూడ మండలం తుంగపాడుకు చెందిన మచ్చ శ్రీకాంత్ ఇవాళ ఉదయం తుంగపాడు నుంచి నిడమనూర్ మండలం రేగులగడ్డకు ద్విచక్రవాహనంపై వచ్చాడు. తిరిగి వెళ్లిపోతుండగా.. బైక్పై వెంబడించిన దుండగులు తమ వాహనంతో ఢీకొట్టారు. కిందపడిపోయిన శ్రీకాంత్ను పక్కనే ఉన్న పొలాల్లోకి లాక్కెళ్లి కత్తులతో నరికి చంపారు.
ఈఘటనలో శ్రీకాంత్తో కలిసి ద్విచక్రవాహనంపై ఉన్న అతని బంధువు కళ్లలో కారం కొట్టారు. సమాచారం అందుకున్న పోలీసులు ఘటనాస్థలికి చేరుకుని దర్యాప్తు చేపట్టారు. హత్య వెనుక భూ తగాదాలు... మరే ఇతర కారణాలేమైనా ఉన్నాయా అనే కోణంలో దర్యాప్తు చేస్తున్నట్లు తెలిపారు.
ఇదీ చూడండి: కొడంగల్ పరిధిలో పిడుగుపాటుతో 32 గొర్రెలు మృతి
