Ghatkesar Murder Case: భర్తను హత్య చేసిన కేసులో భార్యతో పాటు ప్రియుడిని ఘట్కేసర్ పోలీసులు అరెస్ట్ చేసి.. రిమాండ్కు తరలించారు. ఘట్కేసర్ మండలంలోని అవుషాపూర్లో షేక్ మౌలానా(43), అతని భార్య షానాబీ(40) నివాసం ఉంటున్నారు. వీరికి ఇద్దరు సంతానం. ఇద్దరూ కూలీ పనులు చేసుకుంటూ కాలం వెళ్లదీస్తుండేవారు. అంతా సాఫీగా సాగిపోతుండగా.. ఒక చిక్కువచ్చి పడింది.
18 ఏళ్ల క్రితం ఆమె బంధువుల వద్ద ట్రాక్టర్ డ్రైవర్గా పని చేస్తున్న బెజిలీ బాబు అలియాస్ ఎ.బాబు షానాబీకు పరిచయమయ్యాడు. అది కాస్త వివాహేతర సంబంధానికి దారి తీసింది. ఈ విషయం భర్తకు తెలియకుండా జాగ్రత్త పడేవారు. అయితే అదే సమయంలో మౌలానా ఉపాధి కోసం దుబాయ్ వెళ్లాడు. భర్త ఇంటి దగ్గర లేకపోవడంతో భార్య, ఆమె ప్రియుడి జల్సాలకు హద్దే లేకుండా పోయింది. వారి ఆటలు ఇలా సాగుతూ ఉండగా.. పది నెలల క్రితమే భర్త దుబాయ్ నుంచి తిరిగివచ్చాడు.
షానాబీ భర్త తిరిగి రావడంతో వారు ఇద్దరు కలుసుకోవడానికి సమయం దొరికేది కాదు. దాంతో ఫోన్లో మాట్లాడుకునేవారు. ఈ విషయాన్ని గమనించిన భర్త మౌలానా.. భార్యపై అనుమానంతో గొడవపడేవాడు. వీరి విషయం పూర్తిగా తెలుసుకున్న మౌలానా ఇక్కడ ఉంటే ప్రమాదం అని భావించి.. ఇంటిని అమ్మేసి భార్య, పిల్లలతో దూరంగా వెళ్లిపోవాలనుకున్నాడు. ఇల్లు కూడా అమ్మకానికి పెట్టాడు.
ఈ విషయం ఆమె ప్రియుడికి చెప్పడంతో.. అడ్డుగా ఉన్న మౌలానాను చంపాలని ఆమెపై ప్రియుడు ఒత్తిడి తీసుకువచ్చాడు. ఈ నెల 5వ తేదీన బెజిలీబాబు మద్యం సీసాలోకి సిరంజీతో పురుగు మందు కలిపి ఆమెకు ఇచ్చి పంపించాడు. అదే రోజు కొడుకుతో కలిసి చేపల వేటకు వెళ్లిన మౌలానా సాయంత్రం ఇంటికి వచ్చాడు. మద్యం కోసం భార్యను రూ.100 అడిగాడు. ఆమె ఆ డబ్బులు ఇవ్వకుండా విషం ఉన్న మద్యం సీసాను తనకు ఇచ్చింది. అతడు తాగిన కొద్దిసేపటికే కడుపులో నొప్పిగా ఉందని చెప్పడంతో.. ఆసుపత్రికి తరలించారు. అక్కడ చికిత్స పొందుతూ మౌలానా మృతి చెందాడు. ఈ విషయంలో భార్యపై అనుమానం రావడంతో పోలీసులకు కుటుంబసభ్యులు ఫిర్యాదు చేశారు. విచారణ చేపడితే.. ఆమె జరిగిన విషయం పోలీసులకు తెలిపింది. దీంతో బాబును.. ఆమెను పోలీసులు అరెస్ట్ చేశారు.
ఇవీ చదవండి:
