Nalgonda Latest Accident: బైక్ బోల్తా పడి ఇద్దరు చిన్నారులు మృతి చెందిన ఘటన నల్గొండలో చోటు చేసుకుంది. ఓ తండ్రి తన ఇద్దరు చిన్నారులను తీసుకుని బైక్పై బయలుదేరాడు. తండ్రితో బయటకు వెళ్తున్నామని చిన్నారులు కూడా సంతోషంతో ఉన్నారు. సజావుగా వెళ్తున్న వారిని మృత్యువు గేదే రూపంలో అడ్డుకుంది. ఆ కుటుంబానికి తీరని వ్యథ మిగిల్చింది. ఈ ఘటనలో ఇద్దరు చిన్నారులు అక్కడికక్కడే మృతి చెందగా.. ఇంటి పెద్ద తీవ్రగాయాలపాలయ్యాడు.
పిల్లలను తీసుకుని బయలుదేరిన తండ్రి జాగ్రత్తగా బైక్ను నడుపుతుండా.. ఓ గేదే అడ్డు వచ్చింది. దీంతో అతను సడెన్ బ్రేక్ వేయగా.. బైక్ అదుపు తప్పి బోల్తా పడింది. ఈ ఘటనలో ఇద్దరు చిన్నారులు మృతి చెందగా.. తండ్రికి తీవ్రగాయాలయ్యాయి. స్థానికులు క్షత్రగాత్రుడిని ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు ప్రారంభించారు. మృతులను పోస్టుమార్టం నిమిత్తం ఆస్పత్రికి తరలించారు.
ఇదీ చూడండి: Kenya Drought: మూగజీవాల మృత్యుఘోష- చుక్కనీరు లేక అల్లాడిపోయి..
