IPL Betting: రాష్ట్రవ్యాప్తంగా కొన్ని ప్రాంతాలలో నిన్న రాత్రి ఐపీఎల్ ఫైనల్ నేఫథ్యంలో ఆన్లైన్ క్రికెట్ బెట్టింగ్కి పాల్పడిన పలువురిని టాస్క్పోర్స్ పోలీసులు అరెస్టు చేశారు. పరారీలో ఉన్న మరికొందరి కోసం గాలిస్తున్నారు. హైదరాబాద్‌లోని మియాపూర్‌, బాచుపల్లి ప్రాంతాల్లో ఆన్లైన్ క్రికెట్ బెట్టింగ్ నిర్వహిస్తున్న ఐదుగురు నిందుతుల్ని మాదాపూర్ ఎస్వోటీ పోలీసులు అదుపులోకి తీసుకున్నారు. వారి నుంచి 7 లక్షల నగదు, సెల్‌ఫోన్లు, ల్యాప్టాప్, బెట్టింగ్ బోర్డులు స్వాధీనం చేసుకున్నారు. నిన్న రాత్రి ఐపీఎల్ ఫైనల్ మ్యాచ్‌ జరుగుతుండగా... బెట్టింగ్ నిర్వహిస్తున్నట్లు సమాచారం రావడంతో పోలీసులు దాడి చేసి ఐదుగురు నిందితులను అరెస్టు చేశారు. మరో ఇద్దరు క్రికెట్ బెట్టింగ్ సూత్రధారులు రామకృష్ణ, మనోహర్ పరారీ ఉన్నట్లు పోలీసులు తెలిపారు.
నిజామాబాద్ జిల్లా బోధన్ పట్టణంలోని అతిధి బార్లో నిన్న రాత్రి ఐపీఎల్ బెట్టింగ్కి పాల్పడుతున్నారన్న... పక్క సమాచారం మేరకు టాస్క్ఫోర్స్ పోలీసులు దాడులు నిర్వహించారు. ఈ దాడిలో బెట్టింగ్కి దిగిన ఐదుగురిని పోలీసులు అరెస్టు చేశారు. వారి నుంచి రూ. 12వేల 700 నగదు, 4 ద్విచక్ర వాహనాలు, 6 చరవాణిలను స్వాధీనం చేసుకున్నారు.
ఇవీ చదవండి:'నీతో కాపురం నా వల్ల కాదు'.. 25 ఏళ్ల తర్వాత భర్తపై ఫిర్యాదు
