జగిత్యాల జిల్లా వెల్గటూర్ మండలం చెగ్యాం గ్రామానికి చెందిన మణిదీప్(17), తన ద్విచక్రవాహనం రిపేర్ కోసమని పదోతరగతి విద్యార్థి పన్నాల విష్ణుతో కలిసి కరీంనగర్కు వెళ్లారు. బైక్ మరమ్మతు చేయించుకుని ఇంటికి తిరుగు పయనమయ్యారు. ఈ క్రమంలో కరీంనగర్ గ్రామీణ మండలం నగునూరు రైతు వేదిక సమీపంలో.. ఆర్టీసీ బస్సును ఓవర్టేక్ చేస్తుండగా.. ఎదురుగా వస్తున్న కారును ఢీకొన్నారు. వేగంగా ఢీకొనడం వల్ల 20 అడుగుల దూరాన పడిపోయారు.
ఇద్దరి తలలకు బలమైన గాయాలు కాగా.. స్థానికులు వారిని ఆస్పత్రికి తరలించారు. చికిత్స పొందుతూ మణిదీప్ మృతి చెందాడు. విష్ణు కరీంనగర్లోని ఓ కార్పొరేట్ ఆస్పత్రిలో చికిత్స పొందుతున్నాడు.
- ఇదీ చదవండి : 'కరోనా సోకిందని కుటుంబంతో సహా వెలివేశారు'
