బర్త్​డే పార్టీ తర్వాత బయటికే రాలేదు.. తీరా తలుపు పగులగొట్టి చూస్తే..

Model Suicide: బర్త్​డే వేడుకలు జరుపుకున్న ఓ మోడల్​.. మరుసటి రోజు నుంచి తన ఫ్లాట్​ నుంచి బయటకు రాలేదు. కొన్ని రోజులకు తన ఇంటి నుంచి దుర్వాసన వస్తుండటాన్ని గమనించిన ఇరుగుపొరుగు వాళ్లు పోలీసులకు తెలిపారు. తలుపులు పగలగొట్టి లోపలికెళ్లి చూస్తే.. అసలు విషయం బయటపడింది.

Model Suicide: రంగారెడ్డి జిల్లా రాజేంద్రనగర్​లో ఓ మోడల్ ఆత్మహత్య చేసుకున్న ఘటన ఆలస్యంగా వెలుగులోకి వచ్చింది. విజయ్​నగర్​ కాలనీకి చెందిన అమైరా ​ఖాన్​(23).. మోడలింగ్​ చేస్తూ జీవనం సాగిస్తోంది. గత కొంత కాలంగా తల్లిదండ్రులకు దూరంగా.. చింతల్​మెట్​లోని మొఘల్​ మెడోస్​ అపార్ట్​మెంట్​లో ఒంటరిగా ఉంటోంది. జనవరి 7న అమైరాఖాన్​ పుట్టినరోజు సందర్భంగా.. తన ఇంట్లోనే స్నేహితులతో కలిసి బర్త్​డే వేడుకలు ఘనంగా జరుపుకుంది. ఆ మరుసటి రోజు నుంచి అమైరా​ఖాన్​ తన ఫ్లాట్​ నుంచి బయటకు రాలేదు.

కొన్ని రోజులకు అమైరా​ఖాన్​ ఇంటి నుంచి దుర్వాసన రావటాన్ని గమనించిన అపార్ట్​మెంట్​వాసులు.. పోలీసులకు ఫిర్యాదు చేశారు. ఘటనాస్థలికి చేరుకున్న పోలీసులు.. తలుపులు పగలగొట్టి లోపలికి వెళ్లారు. తీరా చూస్తే.. అమైరాఖాన్​ ఫ్యాన్​కు వేలాడుతూ కనిపించింది. శరీరమంతా ఉబ్బి.. కుళ్లిపోయిన స్థితిలో ఉంది. ఘటనాస్థలిని రాజేంద్రనగర్​ ఏసీపీ గంగాధర్, సీఐ కనకయ్య పరిశీలించారు. కేసు నమోదు చేసుకుని దర్యాప్తు చేస్తున్నారు. అమైరా​ఖాన్​.. తన స్నేహితుడు ఇమ్రాన్​ఖాన్​తో కలిసి గత కొంతకాలంగా సహజీవనం సాగిస్తోందన్న అనుమానంతో.. అతడిని అదుపులోకి తీసుకుని విచారిస్తున్నారు.

ఇదీ చూడండి:

• అన్నపై తమ్ముడు గొడ్డలితో దాడి.. అడ్డొచ్చిన కుమార్తెపైనా..