hashish oil: హాసిస్ ఆయిల్ను అక్రమ రవాణా చేస్తున్న ముఠాను హైదరాబాద్ నార్త్జోన్ పోలీసులు అరెస్ట్ చేశారు. నిందితుల నుంచి 120 చిన్న బాక్సుల్లో ఉంచిన హాసిస్ ఆయిల్, ఐదు ఫోన్లను స్వాధీనం చేసుకున్నారు. వీటి విలువ 2,40,000 రూపాయలు ఉంటుందని అంచనా వేస్తున్నారు.
ఏపీలోని అరకు ప్రాంతానికి చెందిన డ్రగ్ ప్లెడర్ కృష్ణ.. రైళ్లలో హాసిస్ ఆయిల్ అక్రమంగా తీసుకొచ్చి.. హైదరాబాద్లో విక్రయిస్తున్నట్లు టాస్క్ఫోర్స్ పోలీసులు గుర్తించారు. చిలకలగూడకు చెందిన ఓ విద్యార్థి తన స్నేహితులతో కలిసి సిగరెట్లలో హాసిస్ ఆయిల్ నింపి తాగేవారని గుర్తించారు. తర్వాత వారే నగరంలో విక్రయాలకు పాల్పడుతున్నారని పోలీసులు ప్రాథమిక నిర్ధారణకొచ్చారు. కృష్ణ దగ్గర తక్కువ ధరకు కొని.. హైదరాబాద్లో ఎక్కువ ధరకు విక్రయించేవారని పోలీసులు గుర్తించారు. వారాసిగూడలో హాసిస్ ఆయిల్ విక్రయిస్తుండగా దాడులు చేసి నిందితులను పట్టుకున్నట్లు టాస్క్ఫోర్స్ పోలీసులు తెలిపారు. కేసునమోదుచేసి రిమాండ్కు తరలించినట్లు చెప్పారు.
ఇదీచూడండి: Tollywood Drugs: మళ్లీ తెరపైకి టాలీవుడ్‌ డ్రగ్స్‌ కేసు
