ఆంధ్రప్రదేశ్లోని నెల్లూరు జిల్లా ఆత్మకూరులో మహిళా ఎస్సై పట్ల స్థానిక 21వ వార్డు వాలంటీర్ అసభ్యంగా ప్రవర్తించాడు. మద్యం మత్తులో బూతులు తిడుతూ వీరంగం సృష్టించాడు. సోమవారం అర్ధరాత్రి ఎస్సై రోజాలత పెట్రోలింగ్ నిర్వహిస్తుండగా... మద్యం సేవించి అటుగా వచ్చిన వాలంటీర్ను పోలీసు సిబ్బంది ఆపారు. రెచ్చిపోయిన వాలంటీర్ ఎస్సైని దుర్భాషలాడాడు. మహిళా ఎస్సై అని కూడా లేకుండా తిట్ల పురాణం అందుకున్నాడు. నీ అంతు చూస్తానంటూ బెదిరించాడు. నడిరోడ్డుపై చొక్కా విప్పి వీరంగం సృష్టించాడు.
మహిళా ఎస్సైను దూషించిన వాలంటీర్పై కేసు నమోదు చేసినట్లు సీఐ పాపారావు తెలిపారు. వాలంటీర్లు బాధ్యతాయుతంగా వ్యవహరించాలని సూచించారు. అయితే మంగళవారం రాత్రి సీఐ బదిలీ కావడం చర్చనీయాంశం అయింది. వాలంటీర్ను అదుపులోకి సీఐను గుంటూరు రేంజ్ కార్యాలయానికి ఎటాచ్ చేశారు.
ఇదీ చదవండి : తల్లితోనే కాదు.. తాను గుళికలు తాగిన కుమారుడు.. ఇద్దరూ మృతి
