ఆసుపత్రిలో ప్రాణాపాయ స్థితిలో కొట్టుమిట్టాడుతున్న తన అభిమానికి వీడియో కాల్ చేసి పరామర్శించారు యంగ్ టైగర్ ఎన్టీఆర్. తూర్పు గోదావరి జిల్లా మలికిపురం మండలం గూడపల్లికి చెందిన మురళీ.. జూనియర్ ఎన్టీఆర్కు వీరాభిమాని. ఇటీవల ప్రమాదంలో గాయపడి ఆసుపత్రిలో చికిత్స పొందుతున్నాడు. అతనికి రెండు కిడ్నీలు దెబ్బతినడం వల్ల విజయవాడలోని రమేశ్ ఆసుపత్రిలో చికిత్స పొందుతున్నాడు. ప్రాణాపాయ స్థితిలో ఉన్న మురళి.. తన చివరి కోరికగా.. జూనియర్ ఎన్టీఆర్ను కలవాలని వైద్యులకు చీటి రాసి చూపించాడు. ఆ విషయాన్ని వైద్యులు.. మురళీ బంధువులకు చెప్పారు. వెంటనే వారు తూర్పు గోదావరి జిల్లా ఎన్టీఆర్ అభిమాన సంఘానికి... మురళీ చివరి కోరికను తెలియజేశారు.
ధైర్యం చెప్పిన ఎన్టీఆర్..
తన అభిమాన సంఘం సభ్యుల ద్వారా ఈ విషయం తెలుసుకున్న జూనియర్ ఎన్టీఆర్.. వెంటనే మురళీకి వీడియో కాల్ చేశారు. తనను ఎంతగానే ప్రేమిస్తున్న తన అభిమానికి ఇలా జరగడం తనను కలచివేసిందని చెప్పారు. వీడియో కాల్లో మురళీతో మాట్లాడి ధైర్యం చెప్పారు. త్వరలో పూర్తి ఆరోగ్యంతో మురళీ బయటకు వస్తాడని ఆకాంక్షించారు. తన అభిమాన కథానాయకుడు వీడియో కాల్ చేయడంతో మురళీ ఉప్పొంగి పోయాడు. సంపూర్ణ ఆరోగ్యంతో బయటకు వస్తానంటూ సైగలతో ఎన్టీఆర్కు వివరించారు.
మురళీ కోసం వీడియో కాల్ చేసి ధైర్యం చెప్పిన జూనియర్ ఎన్టీఆర్కు.. ఆయన బంధువులు ధన్యవాదాలు తెలిపారు. యంగ్ టైగర్పై ప్రశంసలు కురిపించారు.
ఇదీచూడండి: MAA Elections: వారికి మద్దతిస్తేనే సినిమాల్లో ఛాన్స్‌ ఇస్తా అన్నాడు!
