Srinivas Goud Visit Neera Cafe: హైదరాబాద్ నెక్లెస్‌రోడ్‌లో 10 కోట్ల రూపాయలతో నిర్మిస్తున్న నీరా కేఫ్ను ఆగస్టులో అందుబాటులోకి తెస్తామని ఆబ్కారీ శాఖ మంత్రి శ్రీనివాస్‌గౌడ్‌ అన్నారు. గత పాలకులు ఉమ్మడి రాష్ట్రంలో కుల వృత్తులను నిర్లక్ష్యం చేశారని శ్రీనివాస్‌గౌడ్‌ ఆరోపించారు. రాష్ట్రం ఏర్పడిన తర్వాత సీఎం కేసీఆర్ ఆదేశాల మేరకు గీత కార్మికుల సంక్షేమం కోసం కృషి చేస్తున్నామని చెప్పారు. ఆరోగ్య ప్రదాయిని నీరాను.. ప్రజల ఆరోగ్యానికి ఎంతో మేలు చేసే దివ్య ఔషధంగా అందించాలనే ఉద్దేశంతో ప్రతిష్ఠాత్మకంగా నీరా కేఫ్ ప్రారంభిస్తున్నట్లు ఆయన పేర్కొన్నారు.
ఈ సందర్భంగా హైదరాబాద్లోని నెక్లెస్ రోడ్లో సుమారు 10 కోట్ల రూపాయలతో ప్రతిష్ఠాత్మకంగా నిర్మిస్తున్న నీరా కేఫ్ పనులను మంత్రి పరిశీలించారు. నిర్మాణాన్ని శరవేగంగా పూర్తి చేయాలని టూరిజం ఎండీ మనోహర్ని మంత్రి ఆదేశించారు. నీరా సహా అనుబంధ ఉత్పత్తుల తయారీ యూనిట్లను వేగంగా పూర్తి చేస్తున్నామన్నారు. ఈ కార్యక్రమంలో టూరిజం ఎండీ మనోహర్, తదితరులు పాల్గొన్నారు.
