కరోనా వైరస్ వ్యాప్తి నియంత్రించడంలో.. కేంద్ర, రాష్ట్ర ప్రభుత్వాలు పూర్తిగా వైఫల్యమయ్యాయని ఏఐసీసీ అధికార ప్రతినిధి దాసోజు శ్రవణ్ కుమార్ అన్నారు. కాంగ్రెస్ పార్టీ మాత్రం పెద్దన్న పాత్ర పోషిస్తూ.. దేశవ్యాప్తంగా సేవలందిస్తోందని తెలిపారు. హైదరాబాద్ పంజాగుట్ట సర్కిల్లో సోమాజిగూడ కాంగ్రెస్ అధ్యక్షుడు నరికేల నరేశ్ ఆధ్వర్యంలో నిర్వహించిన ఉచిత మాస్కుల పంపిణీ కార్యక్రమంలో పాల్గొన్నారు.
సోనియా గాంధీ పిలుపు మేరకు దేశవ్యాప్తంగా.. కాంగ్రెస్ ఆధ్వర్యంలో కొవిడ్ సహాయక చర్యలు ముమ్మరంగా సాగుతున్నాయని దాసోజు తెలిపారు. ఆక్సిజన్, రెమ్డెసివిర్, కరోనా పడకలు అందుబాటులోకి తీసుకురావడం, బాధితులకు సకాలంలో అంబులెన్స్లు ఏర్పాటు చేయడం వంటి సేవలందిస్తున్నట్లు చెప్పారు.
- ఇదీ చదవండి సర్వ మతాల సారాన్ని చెప్పే.. మాముని ఖాతూన్
