LPG Gas Cylinder Price Decrease : నూతన సంవత్సరం వేళ 19 కిలోల వాణిజ్య గ్యాస్ సిలిండర్ ధరను సోమవారం రూపాయిన్నర తగ్గించాయి ప్రభుత్వ రంగ చమురు మార్కెటింగ్ సంస్థలు. గృహ అవసరాల వంటగ్యాస్ ధరను మాత్రం యథాతథంగా ఉంచాయి. ప్రస్తుతం 14.2 కేజీల వంట గ్యాస్ సిలిండర్ ధర రూ.903గా ఉంది.
కమర్షియల్ ఎల్పీజీ గ్యాస్ సిలిండర్లను హోటల్స్, రెస్టారెంట్లు లాంటి వాటిల్లో వాడతారు. తాజా తగ్గిన కమర్షియల్ ఎల్పీజీ సిలిండర్ ధరలు సోమవారమే అమల్లోకి వచ్చాయి. దీనితో దిల్లీలో రిటైల్ 19 కేజీల కమర్షియల్ ఎల్పీజీ సిలిండర్ ధర రూ. రూ.1757 నుంచి రూ.1,755.50కు తగ్గింది. ముంబయిలో 19 కిలోల గ్యాస్ సిలిండర్ రూ. 1,708.50కు చేరింది.
మరోవైపు, విమానాల్లో ఇంధనంగా ఉపయోగించే ఏవియేషన్ టర్బైన్ ఫ్యుయల్-ఏటీఎఫ్ ధర 4శాతం మేర తగ్గించినట్లు చమురు మార్కెటింగ్ సంస్థలు సోమవారం ప్రకటించాయి. ఇప్పటివరకు దిల్లీలో కిలోలీటరుకు రూ. రూ.1,06,155.67గా ఉన్న ఏటీఎఫ్ దర, రూ.101,993.17కు తగ్గించినట్లు తెలిపాయి.
Commercial LPG Prices Cut : గతేడాది డిసెంబరు 22వ తేదీన 19 కేజీల కమర్షియల్ గ్యాస్ సిలిండర్ ధరను రూ.39.50 మేర తగ్గిస్తూ నిర్ణయం తీసుకున్నాయి ప్రభుత్వ రంగ చమురు మార్కెటింగ్ సంస్థలు.
ప్రతినెలా ఒకటో తేదీన
ప్రభుత్వ రంగ చమురు సంస్థలైన ఇండియన్ ఆయిల్ కార్పొరేషన్ (IOC), భారత్ పెట్రోలియం కార్పొరేషన్ లిమిటెడ్ (BPCL), హిందుస్థాన్ పెట్రోలియం కార్పొరేషన్ లిమిటెడ్ (HPCL)లు ప్రతి నెల 1వ తేదీన వంటగ్యాస్, ఏటీఎఫ్ ధరలను సవరిస్తూ ఉంటాయి.
పెట్రోల్, డీజిల్ ధరలు యథాతథం : ప్రభుత్వ రంగ చమురు సంస్థలు రికార్డు స్థాయిలో గత 21 నెలలుగా పెట్రోల్, డీజిల్ ధరలను యథాతథంగానే ఉంచుతున్నాయి. ప్రస్తుతం దిల్లీలో లీటర్ పెట్రోల్ ధర రూ.96.72, లీటర్ డీజిల్ ధర రూ.89.62గా ఉంది.
ఎల్పీజీ సిలిండర్ ధరలను ఎలా, ఎక్కడ చెక్ చేయవచ్చు?
How To Check LPG Gas Rate Online : ఎల్పీజీ సిలిండర్ అసలు ధరలను తెలుసుకోవాలనుకుంటే, ఇండియన్ ఆయిల్ అధికారిక వెబ్సైట్ https://iocl.com/prices-of-petroleum-products లో చూడవచ్చు. ఇదే వెబ్సైట్లో ఎల్పీజీ ధరలతోపాటు, జెట్ ఫ్యూయెల్, ఆటో గ్యాస్, కిరోసిన్ మొదలైన ఇంధనాల ధరలను కూడా తెలుసుకోవచ్చు.
సైబర్‌ మోసానికి గురయ్యారా? సింపుల్గా కంప్లైంట్ చేయండిలా!
2024లోనూ కొనసాగనున్న పసిడి జోరు! 10 గ్రాముల బంగారం ధర రూ.70 వేలకు చేరే అవకాశం!
