దేశీయ స్టాక్ మార్కెట్లు ఫ్లాట్గా ముగిశాయి. నేటి సెషన్లో లాభాలతో ప్రారంభమైన దేశీయ సూచీలు ఒడుదొడుకులను ఎదుర్కొన్నాయి. బొంబాయి స్టాక్ ఎక్స్చేంజీ సూచీ-సెన్సెక్స్ స్వల్పంగా 2 పాయింట్లు నష్టపోయి 51,934 వద్ద సెషన్ను ముగించింది. నిఫ్టీ 7 పాయింట్లు తగ్గి 15,574 వద్ద స్థిరపడింది.
దేశీయంగా కరోనా కేసుల తగ్గుముఖం, అంతర్జాతీయ సానుకూల సంకేతాలు, వ్యాక్సినేషన్‌ పురోగతి, కీలక కంపెనీలు రాణించడం కారణంగా ఉదయం సెషన్లో సూచీలు లాభాల బాట పట్టాయి. అనంతరం రెండు రోజుల లాభాలను సొమ్ము చేసుకోవడానికి మదుపరులు మొగ్గుచూపగా.. సూచీలు ఫ్లాట్గా ముగిశాయి.
ఇంట్రాడే సాగిందిలా..
సెన్సెక్స్ 52,228 పాయింట్ల అత్యధిక స్థాయి, 51,808 పాయింట్ల అత్యల్ప స్థాయిలను నమోదు చేసింది.
నిఫ్టీ 15,660 పాయింట్ల గరిష్ఠ స్థాయి, 15,528 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
ఓఎన్జీసీ, బజాజ్ ఫినాన్స్, ఎస్బీఐ, బజాజ్ ఆటో, రిలయన్స్, హెచ్డీఎఫ్సీ, బజాజ్ ఫిన్సర్వ్, హిందుస్థాన్ యూనిలివర్, టెక్మహీంద్ర షేర్లు ప్రధానంగా లాభపడ్డాయి.
ఐసీఐసీఐ బ్యాంక్, అల్ట్రాటెక్ సిమెంట్, భారతీ ఎయిర్టెల్, ఇన్ఫోసిస్, యాక్సిస్ బ్యాంక్, కోటక్ మహీంద్ర బ్యాంక్ షేర్లు ఎక్కువగా నష్టపోయాయి.
