ETV Bharat / business

మార్కెట్లో రిలయన్స్ దూకుడు- రూ.3వేలపైకి ఐఆర్​సీటీసీ షేరు

author img

By

Published : Sep 6, 2021, 1:09 PM IST

Reliance, IRCTC
రిలయన్స్, ఐఆర్​సీటీసీ

స్టాక్ మార్కెట్లో రిలయన్స్ ఇండస్ట్రీస్ (Reliance Industries share) లాభాల జోరు కొనసాగుతోంది. వరుసగా రెండో సెషన్​లోనూ (సోమవారం) ఈ షేర్లు 2 శాతానికిపైగా లాభంతో ట్రేడవుతున్నాయి. ఐఆర్​సీటీసీ షేరు కూడా (IRCTC Share Price) రూ.3000 మార్క్​ను దాటింది.

వరుసగా రెండో సెషన్​లోనూ రిలయన్స్ ఇండస్ట్రీస్​ షేర్లు (Reliance Industries Shares) భారీ లాభాలతో దూసుకుపోతున్నాయి. బీఎస్​ఈ ప్రకారం.. రిలయన్స్ షేరు ప్రస్తుతం 2.22 శాతం బలపడి (Reliance Industries Share price) రూ.2,441.35 వద్ద కొనసాగుతోంది. ఇదే సెషన్​లో ఈ షేరు విలువ జీవితకాల గరిష్ఠమైన రూ.2,479.85 మార్క్​ను తాకింది.

వరుస లాభాలతో రిలయన్స్ ఇండస్ట్రీస్ మార్కెట్​ క్యాపిటల్ (Reliance Industries M-cap) ప్రస్తుతం రూ. 15.45 లక్షల కోట్ల పైకి చేరింది.

సౌదీ ఆరామ్​కో డీల్, సగటున ఒక యూజర్​ నుంచి జియో ఆదాయం రూ.160-170 మధ్య ఉన్నట్లు ప్రకటించడం.. గ్రీన్ ఎనర్జీ ప్లాంట్ ​కోసం భారీ పెట్టుబడుల వంటి అంశాలు రిలయన్స్ ఇండస్ట్రీస్​ షేర్లు ఈ స్థాయిలో లాభాలను నమోదు చేసేందుకు కారణంగా చెబుతున్నారు విశ్లేషకులు. ఇదే జోరు కొనసాగితే.. రానున్న 9-12 నెలల్లో కంపెనీ షేరు విలువ రూ.3000 మార్క్​ను అందుకోవచ్చని అంచనా వేస్తున్నారు.

ఐఆర్​సీటీసీ షేర్ల దూకుడు..

ఇండియన్​ రైల్వే క్యాటరింగ్​ అండ్ టూరిజం కార్పొరేషన్​ (ఐఆర్​సీటీసీ) షేర్లు కూడా సోమవారం భారీ లాభాలతో ట్రేడవుతున్నాయి. బీఎస్​ఈఎలో సంస్థ షేరు దాదాపు 5 శాతం పుంజుకుని.. (IRCTC Share Price) రూ.3000.90 వద్ద కొనసాగుతోంది.

దీనితో సంస్థ మార్కెట్ క్యాపిటల్​ (IRCTC M-cap) రూ.50 వేల కోట్లకు చేరువైంది.

ఇదీ చదవండి: పెరిగిన మారుతీ కార్ల ధరలు- ఏ మోడల్​పై ఎంతంటే?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.