స్టాక్ మార్కెట్లకు ఈ వారం.. ద్రవ్యోల్బణం గణాంకాలు, కరోనా వ్యాక్సిన్ వార్తలు, లాక్డౌన్ మినహాయింపు వంటి అంశాలు కీలకం కానున్నాయంటున్నారు నిపుణులు.
మే నెలకు సంబంధించి ద్రవ్యోల్బణం గణాంకాలు ఈ వారం విడుదలవనున్నాయి. దేశీయంగా ఆర్థిక విషయాల్లో ఇది కీలక అంశమని జియోజిత్ ఫినాన్షియల్ సర్వీసెస్ పరిశోధన విభాగాధిపతి వినోద్ నాయర్ పేర్కొన్నారు. అంతర్జాతీయంగా అమెరికా ఫెడ్ వడ్డీ రేట్ల నిర్ణయం కూడా మార్కెట్లను ప్రభావితం చేసే ప్రధాన అంశమని వివరించారు.
కొవిడ్-19 కేసులు, వాక్సినేషన్ అప్డేట్స్పై కూడా మదుపరులు దృష్టి సారించొచ్చని విశ్లేషకులు అభిప్రాయపడుతున్నారు.
వీటన్నింటితో పాటు.. రూపాయి హెచ్చుతగ్గులు, ముడి చమురు ధరలు మార్కెట్లను ప్రభావితం చేసే సాధారణ అంశాలుగా ఉండనున్నాయి.
